Frestur til þess að taka þátt í ljósmyndasamkeppni sem Símenntun á Vesturlandi stendur fyrir er að renna út. Keppninni, sem hófst 20. júní, lýkur 1. september næstkomandi. Viðfangsefnið er „fjölmenning“ og er öllum heimil þátttaka. „Símenntun hefur um margra ára skeið haft fjölmenningu að leiðarljósi og með þessari ljósmyndasamkeppni viljum við vekja athygli á málefninu,“ segir Guðrún Vala Elísdóttir framkvæmdastjóri Símenntunar.