Öll fyrri aðsóknarmet voru í gær slegin á Geitfjársetrinu á Háafelli í Hvítársíðu, en þá fór þar fram 15 ára afmælisfögnuður Vesturlandsdeildar samtakanna Beint frá býli. Fjölskyldur, stórar sem smáar, mættu í sólskininu og nýttu sér tækifærið að frítt var inn á svæðið auk þess sem kaffi, djús og kökur voru í boði og allskyns varningur og afþreying á boðstólnum. Sambærilegir viðburðir fóru á sama tíma fram á fimm öðrum stöðum á landinu, í öllum landshlutum.