medium

large

thumbnail

1536x1536

2048x2048

small

custom-size

Níutíu ára Einarsbúð er elsta matvöruverslun landsins

Verkfall boðað í Grundaskóla á Akranesi 6. janúar

Upplestur grunnskólanemenda í Brún

Hótel Varmaland hlýtur vottun frá Vakanum

Ýmis mál rædd á fundi bæjarráðs Akraneskaupstaðar

Nemendur í listdansi fengu að stíga á stóra sviðið

core/paragraph

Viðskiptafélagarnir Óskar Sigvaldason og Kristinn Sigvaldason hafa komist að samkomulagi um kaup þess síðar nefnda á öllu hlutafé í Borgarverki ehf. Fyrir viðskiptin áttu þeir helmings hlut hvor og báðir lagt grunn að því að gera Borgarverk að öflugasta fyrirtækinu á Vesturlandi, samkvæmt samantekt Creditinfo. Atli Þór Jóhannsson hefur verið ráðinn framkvæmdastjóri Borgarverks og tekur hann formlega við af Óskari 1. september næstkomandi. Atli Þór starfaði síðast hjá og var jafnframt í eigendahópi PWC. Kristinn verður áfram stjórnarformaður Borgarverks og sviðsstjóri. Þrátt fyrir söluna mun Óskar áfram sitja í stjórn Borgarverks, verða stjórnendum til ráðgjafar og sinna auk þess skilgreindum verkefnum til áramóta og lengur ef þarf.

Í samtali við Skessuhorn segist Óskar hafa tekið þessa ákvörðun að selja að vel ígrunduðu máli. Hann hafi upphaflega, þegar hann tók við sem framkvæmdastjóri árið 2005, ekki ætlað sér að stýra fyrirtækinu lengur en í fimmtán ár, en hann hefur starfað hjá fyrirtækinu í yfir 30 ár. „Nú er starfsemi Borgarverks í blóma, mikið í gangi, góð verkefnastaða og reksturinn í góðum málum. Sú staðreynd ein og sér gerir Kristni auðveldara að kaupa mig út á þessum tímapunkti,“ segir Óskar. Aðspurður segir hann að kaupverð verði ekki gefið upp en slær því fram í gamni að eftir söluna sé hann ekki á leið á framfæri hjá bænum! „Ég ætla að nýta síðari hluta starfsævinnar í nýjar áskoranir,“ bætir hann við.

Eins og kunnugt er stofnaði Sigvaldi Arason faðir Óskars Borgarverk, byggði það upp og rak í áratugi. Óskar kom ungur að ýmsum verkefnum hjá föður sínum. „Ég hef starfað hjá Borgarverki fyrst í sumarvinnu og íhlaupavinnu allt frá 12 ára aldri. Þetta hefur verið skemmtilegur og krefjandi tími. Verkefnin hafa flest verið skemmtileg viðureignar en einnig mörg vandamál sem taka hefur þurft á í áranna rás. Á þessum tíma hef ég kynnst mörgum frábærum samstarfsfélögum og er þakklátur fyrir það. Við hjá Borgarverki erum og höfum alla tíð verið einstaklega heppin með starfsfólk.“ Þá segir hann að fyrirtækið hafi alltaf átt og muni áfram eiga heimili sitt og varnarþing í Borgarnesi enda sé það kjörin staðsetning fyrir fyrirtæki sem sinni viðhaldi vega og uppbyggingu þeirra, þar séu krossgötur í allar áttir. Borgarverk er einnig með starfsstöð á Selfossi og skrifstofu í Mosfellsbæ. „Ég vil nota tækifærið hér og þakka viðskiptavinum okkar, starfsfólki og samfélaginu í Borgarnesi fyrir traust og gott samstarf,“ segir Óskar að lokum.

Kristinn kaupir hlut Óskars í Borgarverki