Það var fjölmenni og mikið fjör við bryggjuna við Bakkatún á Akranesi á mánudaginn þar sem fyrirtækið Hoppland er með aðstöðu. Krakkar á öllum aldri voru að hoppa af miklum móð af bryggjunni eða sjódýfingapallinum sem er alls átta metrar að hæð og ekki annað að sjá en að allir væru að skemmta sér konunglega. Ekki skemmdi veðrið fyrir og á milli þess sem stökkvararnir hentu sér í sjóinn gátu þeir yljað sér í heitum pottum sem staðsettir eru á bryggjunni. Blaðamaður Skessuhorns kíkti við seinni partinn og tók nokkrar myndir af hressum og kátum krökkum.

vaks

Mikið stuð í Hopplandi á heitum sumardegi