Bjarni Guðmundsson rithöfundur og fræðimaður hefur gefið út bókina Dagar við Dýrafjörð. Bókin er minningabók og kom formlega út 20. júlí síðastliðinn. Þann dag flutti Bjarni minjaspjall og kynningu á bókinni á æskuslóðum sínum í Dýrafirði. Var það gert í Samkomuhúsinu í Haukadal fyrir fullu húsi gesta. Bókin er prýdd teikningum eftir Bjarna sjálfan og er einkar fallegur gripur.