Skömmu eftir miðnætti í gær voru brotnar þrjár af fimm rúðum í strætóskýli við Stillholt á Akranesi. Íbúar í nærliggjandi húsum hrukku við enda fylgdi rúðubrotinu mikill hávaði um klukkan 00:15. Elías Kristjánsson starfsmaður áhaldahúss Akraneskaupstaðar var í morgun að hreinsa upp glerbrotin. Hann segir að skemmdarvargarnir hafi notað rist úr götuniðurfalli til að brjóta rúðurnar. Skýlin eru reist úr stálgrind og fimm stórar perluglersrúður mynda skjólið.