medium

large

thumbnail

1536x1536

small

custom-size

Þjóðhátíðardagurinn víða á Vesturlandi – myndasyrpa

Bóndi spurði í tvígang hvort hann ætti að skjóta eftirlitsmanninn

Undirbúningur landsmót unglingadeilda Landsbjargar í fullum gangi

2048x2048

Skráning hafin í opnar greinar á Fjórðungsmóti

Sigrún Ósk tekur við starfi upplýsingafulltrúa Akraneskaupstaðar

Fyllti skammtinn fyrir klukkan níu

core/paragraph

Rætt við Guðrúnu Steinunni og Alexander Aron um Hinseginhátíð Vesturlands

Guðrún Steinunn Guðbrandsdóttir og Alexander Aron Guðjónsson hafa undanfarnar vikur staðið í ströngu við að undirbúa Hinseginhátíð Vesturlands sem haldin er nú þriðja árið í röð. Hátíðin fer fram á Akranesi í ár og stendur yfir alla vikuna. Blaðamaður Skessuhorns leit við í gamla Landsbankahúsinu við Akratorg í gær þar sem Guðrún og Alexander voru á kafi við undirbúning.

,,Hátíðin hófst í gær, mánudag, með listaverkasýningu hér í Landsbankahúsinu við Akratorg þar sem við erum með bækistöðvar í ár. Fólk er velkomið hingað alla vikuna að spjalla, skoða sig um eða kaupa varning. Við erum með heitt á könnunni alla vikuna en hér má líka skoða listaverkasýninguna þar sem sjá má verk eftir listafólk af öllu Vesturlandi. Ágóði ákveðinna verka rennur að hluta til starfsins en listafólkið er að styrkja okkur með þeim hætti. Mörg fyrirtæki á svæðinu eru svo líka að styrkja ýmsa viðburði eða veita okkur beina styrki. Það hefur verið mjög vel tekið í styrktarbeiðnir á hinum ýmsu stöðum. Akraneskaupstaður hefur verið mjög hjálpsamur og vill allt fyrir okkur gera. Öll fyrirtæki sem við höfum heyrt í vilja styrkja okkur á einhvern hátt sem er ómetanlegt,“ segja þau Alexander Aron og Guðrún Steinunn í sameiningu.

Þétt dagskrá framundan

Dagskráin í ár er fjölbreytt en allir ættu að geta fundið eitthvað við sitt hæfi, segja þau Guðrún og Alexander. ,,Á fimmtudaginn verður fyrsti viðburðurinn okkar en þá verður sýningin Guð leitar að Salóme sýnd hér í Landsbankahúsinu en sýningin var frumsýnd á Landnámssetrinu í Borgarnesi fyrr í vor. Við opnum húsið klukkan sex og verðum með veitinga- og drykkjarsölu fyrir og eftir sýninguna. Hér verður frítt inn og mikil stemning en þetta verður svona ákveðin opnunarhátíð,“ segir Alexander Aron.

,,Miðvikudag, fimmtudag og föstudag ætlum við að vera með smiðjur fyrir unglinga. Þau geta þá útbúið skilti, fána eða hvað sem þau vilja. Svo erum við búin að fá vagn sem þau geta skreytt svo það verður sérstakur unglingavagn með í göngunni. Í skrúðgöngunni verður stjórn hátíðarinnar með þrjá vagna, Akraneskaupstaður verður með einn vagn sem og Skallagrímur, Slökkvilið Akraness, Vera - hinsegin félag kvenna og kvára ásamt fleirum,“ segir Guðrún.

,,Útgerðin verður svo með partý á föstudaginn en laugardagurinn verður svo stóri dagurinn okkar,“ segir Alexander Aron. ,,Laugardagurinn byrjar á opnum æfingum hjá Ultraform, Ægi og Dansstúdíó Díönu. Helena Guttorms verður þá með listasmiðju á Breiðinni þar sem fólk getur mætt og málað í sólinni. Það verða hoppukastalar á torginu fyrir og eftir gönguna í boði Skagaskopps og Gísla rakara. Gangan fer af stað kl. 14 en um þrjúleitið byrjar skemmtidagskráin á sviðinu þar sem fram munu koma Klara Elias, Sigga Ózk, Guðbrandur Örn, Martian Motors og Barakórurnar úr Borgarnesi. Kynnir verður dragdrottningin Agatha P. Laugardagurinn endar svo á veitingastaðnum Lighthouse þar sem við höldum hinsegin partý kl. 22. Þar verður samsöngur með Guðrúnu Árnýju, DJ tvíeykið Glókollur þeytir skífur og Elísabet Ormslev mætir og tekur nokkra Eurovision slagara,“ segir Alexander Aron.

Hinseginhátíðin er fyrir okkur öll

Að lokum vilja þau Guðrún Steinunn og Alexander Aron hvetja alla til að taka þátt með einhverjum hætti. ,,Við hvetjum alla til að skreyta og taka þátt, þó það sé ekki nema einn fáni. Það er mikilvægt að sýna stuðning og því miður er það mikilvægara en nokkru sinni fyrr núna að vera stuðningsaðilar og sýna þátttöku. Við erum búin að vera að sjá mikið bakslag í réttindabaráttu hinsegin fólks og þessara jaðarhópa. Við vonum að á næsta ári þurfum við ekki að ítreka mikilvægi þess að sýna stuðning og að einn daginn getum við lifað öll eins og við viljum vera. Hinseginhátíðin er fyrir okkur öll, þetta snýst um virðingu og væntumþykju,“ segja þau Alexander Aron og Guðrún Steinunn í sameiningu að lokum.

Fréttaveita Vesturlands

Mikilvægt að taka þátt og sýna stuðning