Vegagerðin hefur sent út viðvörun vegna veðurs í kvöld og fram á morgundaginn: „Það hvessir með norðanátt síðdegis í dag og hviður verða vestantil á landinu, allt að 30-35 m/s í nótt og á morgun, ekki síst á sunnanverðu Snæfellsnesi." Við þessar aðstæður er mjög varasamt að vera á ferð með ferðavagna sem taka á sig mikinn vind.

Á hærri fjallvegum; Öxnadalsheiði og á Möðrudalsöræfum má reikna með krapa í nótt og snemma í fyrramálið.