medium

large

thumbnail

1536x1536

2048x2048

small

custom-size

Þjónustan var betri hjá gömlu landpóstunum

Stúkuhúsið Kaffi blæs til sóknar

Skoðunardagur fornbíla er á mánudaginn

Veggurinn sem vaknar – vígsla vegglistaverks

„Ég er mjög tengdur þessum stað“

Segir brýnt að auka ekki óvissu með frekari töfum

core/paragraph

Við Fjölbrautaskóla Snæfellinga verður framvegis starfrækt íþróttaakademía. Skrifað var undir samning þar að lútandi í gær. Undir samninginn skrifuðu Hjörleifur Kristinn Hjörleifsson f.h. Snæfells, Hjördís Pálsdóttir f.h. Körfuknattleiksdeildar Snæfells, Tinna Ýr Gunnarsdóttir f.h. Umf. Víkings/Reynis og Hrafnhildur Hallvarðsdóttir skólameistari Fjölbrautaskóla Snæfellinga.

Nemendur í FSN munu geta unnið sér inn námseiningar og samhliða því fengið markvissa þjálfun sem skilar þeim lengra í sinni grein sé öllum skilyrðum þar að lútandi fullnægt. Til að fá inngöngu í íþróttaakademíuna þurfa nemendur að hafa góðan bakgrunn í þeirri grein sem þeir hyggjast stunda innan hennar. Íþróttaakademía FSN verður fyrir nemendur sem vilja stunda sína íþrótt með álagi afreksmanna samhliða bóknámi. Bóklega kennslan mun fela í sér nauðsynlegan fróðleik fyrir þá sem ætla að skara fram úr. Leitast verður við að auka sjálfstraust og bæta sjálfsmynd nemenda til þess að bæta árangur þeirra. Nemendur læra að vera hluti af liðsheild þar sem þeir þurfa bæði að gefa af sér og geta unnið vel með öðrum. Þeir þurfa að tileinka sér þann aga og lífsstíl sem þarf til að ná hámarksárangri í íþróttum, læra að tileinka sér hugsunarhátt afreksmanna, hugsa vel um eigin líkama, borða hollan og góðan mat, temja sér heilbrigt líferni og vera reglusamir í alla staði

Á starfstíma skólans skulu nemendur stunda sína grein samviskusamlega og tryggir Víkingur/Reynir og Snæfell nemendum íþróttaakademíunnar aðgang að markvissri þjálfun og æfingum á vegum félagsins undir handleiðslu viðurkennds þjálfara. Nemendur íþróttaakademíunnar sækja bæði tíma í stundaskrá FSN sem og æfingar á vegum Víkings/Reynis og Snæfells af samviskusemi. Neysla áfengis, tóbaks og fíkniefna er bönnuð í akademíunni og getur brot á þeim reglum valdið brottrekstri úr henni.

Nemendur sem ljúka námi með fullnægjandi hætti í Íþróttaakademíunni fá afhent skírteini því til staðfestingar við brautskráningu frá skólanum.

Fréttaveita Vesturlands

Íþróttaakademía við Fjölbrautaskóla Snæfellinga