Landsmót 50+ er hafið í Stykkishólmi og fjöldi fólks mætt í bæinn. Fjöldi þátttakenda mætti á slaginu klukkan sex í gær í íþróttamiðstöðina í Stykkishólmi þegar afhending hófst á mótsgögnum fyrir mótið. Þótt mótið sé að grunni hugsað fyrir fimmtíu ára og eldri geta allir 18 ára og eldri, sem áhuga hafa á keppnisíþróttum og vilja prófa nýjar greinar, keypt þátttökuarmband.