medium

large

thumbnail

1536x1536

2048x2048

small

custom-size

Vilja fjölga ferðum í skólaakstri

Viðamikil skógrækt áformuð

Háþróaður bíll notaður til að kortleggja vegi landsins í sumar

Bátadagar á Breiðafirði verða fimmta júlí

Sláttur hafinn í Borgarfirði

Akrafjall Ultra var haldið um helgina í annað sinn

core/paragraph

Eygló Kristjánsdóttir frá Stóra Kampi í Snæfellsbæ lauk nýlega 800 kílómetra göngu sinni um Jakobsveginn svokallaða. Gangan byrjaði í Saint Pied de port í Frakklandi, sem liggur við landamæri Spánar. Þaðan gekk hún yfir Pýreneafjöllin&nbsp;til Spánar og endaði í borg sem heitir Santiago de Compostela.

Eygló segir að þessi ganga hafi verið draumur hennar síðan 2014 þegar hún sá þætti um Thor Vilhjálmsson heitinn sýnda á RÚV. „Það var svo ekki fyrr en í janúar á þessu ári að ég tók mjög hvatvísa ákvörðun og bókaði þessa ferð án þess að blikna,“ segir Eygló og bætir við að hún hafi hugsað hvort hún gæti raunverulega gengið þessa leið og hvort það hefði ef til vill verið viturlegra að skipta leiðinni upp eins og margir gera.

Eygló greindist með krabbamein í lok árs 2019 og var útskrifuð úr krabbameinsmeðferð ári seinna, í lok árs 2020. Sú upplifun, að greinast með krabbamein, kom henni í skilning um að lífið er núna. „Það er mjög mikilvægt að læra að njóta lífsins og allra litlu sem stóru hlutanna sem það hefur upp á að bjóða. Bara það að setjast niður með kaffibolla á morgnana og horfa út og hlusta á fuglana er frábær núvitund og getur veitt manni mikla gleði,“ segir Eygló.

Eygló fékk fljótlega þá hugmynd að gera gönguna um Jakobsveginn að styrktargöngu fyrir Krabbameinsfélag Snæfellsness. „Það er málaflokkur og félag sem stendur mér nærri og ég veit að þessir peningar munu sannarlega nýtast vel þar, til styrktar og eflingar fyrir félagsmenn sem á þurfa að halda,“ segir Eygló.

„Allur sá styrkur og sú velvild sem ég fékk á meðan þessari göngu stóð er ómetanlegur. Hann var mér mikil hvatning og keyrði mig áfram alla daga á meðan göngunni stóð.“ Eygló bætir við að hún hafi aldrei gert ráð fyrir því að velunnarar myndu leggja svona mikið inn á reikninginn til styrkar verkefninu. Það gladdi hana því ofboðslega að afhenda Krabbameinsfélagi Snæfellsnes ríflega 1,3 milljón króna, sem var upphæðin sem safnaðist við þetta verkefni.

core/image

<figure class="wp-block-image size-large"><img src="https://umsjon.skessuhorn.is/wp-content/uploads/2023/06/Afhenti-krabbameinsfelagi-Snaefellsness-13-milljon-krona_2-1-1200x800.jpg" alt="" class="wp-image-66317"/><figcaption>Eygló ásamt gestum en peningagjöfin var afhent við hátíðlega athöfn í sjómannagarðinum á Hellissandi fimmtudaginn 15. júní.</figcaption></figure>

<figure class="wp-block-image size-large"><img src="https://umsjon.skessuhorn.is/wp-content/uploads/2023/06/Afhenti-krabbameinsfelagi-Snaefellsness-13-milljon-krona_3-1-1200x800.jpg" alt="" class="wp-image-66318"/><figcaption>Eiginmaður Eyglóar, Hjörtur Sigurðsson, var stoltur af sinni konu.</figcaption></figure>

Fréttaveita Vesturlands

Afhenti Krabbameinsfélagi Snæfellsness 1,3 milljón króna