thumbnail

small

custom-size

Ný varatreyja Skallagríms vekur athygli

medium

large

1536x1536

2048x2048

Útskriftarefni FSN hlupu af sér hornin

Stefán Teitur danskur bikarmeistari

Vilja að áform um vetnis- og ammoníakframleiðslu í Hvalfirði verði stöðvuð

Stofnfundur Viðreisnar á Akranesi

Borgarneskirkja er nú friðlýst

core/paragraph

Heilbrigðisnefnd Vesturlands hefur fallist á að framlengja gildandi starfsleyfi Hvals hf. til 12. júlí nk. en Hvalur hf. hefur verið án starfsleyfis frá 1. maí 2023 þegar fyrri framlenging leyfisins féll úr gildi. Til að Hvalur hf. haldi áfram starfsemi eftir 12. júlí þarf Heilbrigðiseftirlit Vesturlands að gefa út nýtt starfsleyfi og hefur vinna við það verið í gangi frá 3. júní 2022 en þá lagði Hvalur hf. inn umsókn til Heilbrigðiseftirlits Vesturlands um endurnýjun starfsleyfis fyrir vinnslu hvalaafurða að Litla Sandi í Hvalfjarðarsveit. Samhliða umsókninni sótti félagið um tímabundna framlenginu á gildandi starfsleyfi sem gilti til 12. júlí 2022. Samþykkti Heilbrigðiseftirlit Vesturlands, á fundi sínum 20. júní 2022, að framlengja gildandi starfsleyfi þar til nýtt starfsleyfi tæki gildi. Taldi nefndin nóg að framlengja leyfið til 1. maí 2023, sem svaraði ríflega 9 mánuðum en lögbundið hámark framlengingar er 12 mánuðir.

Hefur nýtt starfsleyfi verið í vinnslu hjá Heilbrigðiseftirliti Vesturlands frá því umsókn um það barst, 3. júní 2022, en málsmeðferð er ekki enn lokið. Tillaga að nýju starfsleyfi Hvals hf. var auglýst þann 12. maí 2023 og rann frestur til athugasemda út 9. júní sl. Segir í fundargerð frá 183. fundi Heilbrigðisnefndar Vesturlands frá 14. júní sl. að verið sé að vinna úr þeim athugasemdum sem bárust og vinnan við starfsleyfið sé langt á veg komin.

Hvalur hf. sendi erindi til heilbrigðisnefndar, dags. 26 maí 2023, þar sem félagið fór fram á endurupptöku stjórnvaldsákvörðunar á grundvelli 24. gr. stjórnsýslulaga nr. 37/1993, þar sem forsendur ákvörðunar fyrir tímalengd framlengds starfsleyfis hefðu breyst, en út frá því hefði verið gengið að nýtt starfsleyfi yrði tilbúið fyrir næstu hvalavertíð sem á að hefjast núna í júní.

„Við ákvörðun nefndarinnar um tímabundna framlengingu var litið til áætlaðs tíma við vinnslu nýs starfsleyfis og taldi nefndin þá, miðað við fyrirliggjandi gögn að tíminn fram til 1. maí 2023 myndi nægja. Á vinnslutíma leyfis hefur heilbrigðiseftirlitið gert kröfur um ýmsar úrbætur frá gildandi starfsleyfi, einkum á mengunarvörnum. Samkvæmt upplýsingum sem nefndin hefur fengið hefur verið unnið að úrbótum og er þeim ýmist lokið eða framkvæmdir langt komnar,“ er bókað í fundargerð heilbrigðisnefndar frá 14. júní 2023.

core/image

<figure class="wp-block-image size-large"><img src="https://umsjon.skessuhorn.is/wp-content/uploads/2023/06/Telja-hvalveidar-ekki-samraemast-markmidum-um-velferd-dyra-1200x793.jpg" alt="" class="wp-image-66091"/><figcaption>Hvalveiðiskip á leið inn í Hvalfjörð. Ljósm. Úr safni.</figcaption></figure>

Í eftirlitsskýrslu heilbrigðiseftirlitsins dagsett 9. júní 2022 var kallað eftir mælingum á fráveitu vinnslunnar til að unnt væri að meta kröfur til hreinsunar. Hafa í kjölfarið fimm rúmmetra fastefnaskilja og 10 rúmmetra fituskilja verið tengdar fráveitu vinnslunnar að tillögu verkfræðistofunnar Eflu sem gerði mælingarnar. Staðfest var í eftirlitsferð þann 12. júní 2023 að þessi búnaður er kominn upp og frágenginn. Upplýst hefur verið að sótt hafi verið um leyfi til Matvælastofnunar til að nota soðvatn til uppgræðslu. Fyrir liggur minnisblað frá Jóni Atla Magnússyni sem hefur verið falin hönnun og smíði verndargirðingar í kringum vatnsból á Litla Sandi og upplýst að verklok á því verki verði 19. júní 2023.

Miðað við þær úrbætur sem gera þurfti á starfseminni hefur komið í ljós að nefndin hafði ekki fullnægjandi upplýsingar um hve langan tíma þyrfti til að vinna nýtt starfsleyfi og/eða úrbætur hafa reynst tímafrekari en ætlað var. Fyrir liggur að ákvörðun um að nýta ekki til fulls þá heimild 4. mgr. 6. gr. laga nr. 7/1998 um tímabundna framlengingu starfsleyfis og vinnsla leyfisins hefur tekið lengri tíma en áætlað var felur í sér íþyngjandi ákvörðun gagnvart umsækjanda sem fyrirsjáanlega verður án starfsleyfis við upphaf hvalavertíðar. Eins og hér stendur á og nýjar upplýsingar hafa komið fram um úrbætur á starfseminni sem þegar hafa komið til framkvæmda fellst nefndin á að endurupptaka mál Hvals hf., sbr. heimild í 24. gr. stjórnsýslulaga nr. 37/1993. Með vísan til meðalhófsreglu stjórnsýslulaga telur nefndin skilyrði vera fyrir hendi til þess að framlengja starfsleyfi Hvals hf. tímabundið fram til þess tíma er nýtt starfsleyfi hefur verið gefið út en þó aldrei lengur en til 12. júlí 2023 er lögbundnu hámarki framlengingar er náð,“ segir í fundargerð.

Fréttaveita Vesturlands

Framlengja starfsleyfi Hvals hf. til 12. júlí