medium

large

thumbnail

1536x1536

2048x2048

small

custom-size

Írskir dagar tókust vel í frábæru veðri – myndasyrpa

Reiknað með 1.200 milljónum á Vestursvæði úr aukafjárveitingu

Leggur til að vindorkugarður í Garpsdal fari í nýtingarflokk

ÍA vermir áfram botnsætið eftir tap gegn Fram

Auknar tekjur hafnarsjóðs

Leyfi til litarefnarannsóknar í Hvalfirði í skoðun

core/paragraph

Lyf á nefúðaformi sem inniheldur naloxón getur reynst lífsbjargandi sem fyrstu viðbrögð við ofskömmtun ópíóíða. Breytt fyrirkomulag við afhendingu lyfsins hefur bætt til muna aðgengi að lyfinu um allt land, einstaklingum að kostnaðarlausu. Dæmi um lyf/efni sem innihalda ópíóíða eru heróín, metadon, fentanýl, oxýkódon, búprenorfín og morfín.

Naloxón er lyfseðilsskylt og var verklagið lengst af þannig að því var ávísað af lækni beint til sjúklings. Á liðnu ári var verklagi breytt með þeim hætti að læknar geta ávísað lyfinu til fyrirtækja eða stofnana sem þjónusta fólk sem glímir við ópíóíðafíkn og/eða aðstandenda þeirra.

Frá 1. júlí í fyrra hefur heilbrigðisráðuneytið greitt allan kostnað vegna lyfsins í framhaldi af útboði Landspítala sem sér um birgðahald og dreifingu þess. Fjöldi aðila hefur nýtt sér þetta fyrirkomulag, svo sem heilbrigðisstofnanir víða um land, lögregluembættin, aðilar sem reka gistiskýli fyrir heimilislausa, Rauði Krossinn á Íslandi sem sinnir m.a. sjúkraflutningum og rekur skaðaminnkunarúrræðið Frú Ragnheiði í Reykjavík, á Akureyri og á Suðurnesjum, Velferðarsvið Reykjavíkurborgar og fleiri aðilar. Frá því að nýtt verklag hófst hafa alls verið dreift til þessara aðila rúmlega 1.730 skömmtum af naloxón á nefúðaformi.

Vísbendingar eru um að ofnotkun ópíóíða sé vaxandi vandamál hér á landi. Hefur ríkisstjórnin því samþykkt tillögur Willums Þórs Þórssonar heilbrigðisráðherra um aðgerðir til að sporna við þessari óæskilegu þróun. Meðal aðgerðanna var aukin fjárveiting til þess að auka enn frekar dreifingu nefúðans.

Lyfinu fylgir fræðsluefni sem mikilvægt er fyrir viðbragðsaðila að kynna sér. Rauði krossinn á Íslandi hefur einnig gefið út fræðslumyndband um skyndihjálp í kjölfar ofskömmtunar og notkun naloxón í nefúðaformi.

Fréttaveita Vesturlands

Bætt aðgengi að lífsbjargandi lyfi við ofskömmtun ópíóða