medium

large

thumbnail

1536x1536

small

custom-size

Við erum ekkert annað en skemmtikraftar

2048x2048

Styrktartónleikar fyrir Birtu Björk Birgisdóttur

Samkaup og Heimkaup sameinast

Lýsa upp Borgarfjarðarbrúna

Útskrift úr Færniþjálfun á vinnumarkaði

Snjóar síðdegis og varað við hálku

core/paragraph

Föstudaginn 26. maí var 36. útskriftin haldin frá Fjölbrautaskóla Snæfellinga og hafa þá 560 nemendur útskrifast frá skólanum frá því hann tók til starfa. Hrafnhildur Hallvarðsdóttir skólameistari útskrifaði 19 nemendur. Af þeim voru fimm fjarnemendur og fjórir nemendur sem hafa stundað námið frá Framhaldsdeildinni á Patreksfirði. Af félags- og hugvísindabraut útskrifuðust fimm nemendur, af náttúru- og raunvísindabraut útskrifuðust sex, þrír útskrifuðust af opinni braut, tveir af íþróttabraut, einn lauk viðbótarnámi til stúdentsprófs og tveir nemendur ljúka námi af nýsköpunar- og frumkvöðlabraut en þetta er í fyrsta sinn sem nemendur eru útskrifaðir af þeirri braut.

Verðlaun og viðurkenningar

Eftir útskrift veitti Sólrún Guðjónsdóttir aðstoðarskólameistari viðurkenningar fyrir námsárangur.

Jóhanna María Ægisdóttir var dúx skólans að þessu sinni með 9,5 í meðaleinkunn. Fékk hún viðurkenningu fyrir hæstu einkunn á stúdentsprófi og einnig viðurkenningu fyrir góðan námsárangur í dönsku, ensku, íslensku og líffæra- og lífeðlisfræði.

Bjargey Jónsdóttir og Dagný Inga Magnúsdóttir hlutu viðurkenningar fyrir góðan námsárangur í næringarfræði. Einnig hlaut Dagný Inga Magnúsdóttir viðurkenningu fyrir góðan námsárangur í stærðfræði.

Dominic Sebastian Kristjánsson fékk viðurkenningu fyrir góðan námsárangur í sögu.

Helena María Ægisdóttir fékk verðlaun fyrir góðan námsárangur í líffræði.

Menntaverðlaun Háskóla Íslands hlaut Magnús Máni Egilsson.

Raungreinaverðlaun Háskólans í Reykjavík hlaut Dagný Inga Magnúsdóttir.

Sindri Þór Guðmundsson fékk viðurkenningu fyrir störf sín í þágu félagsstarfs sem forseti NFSN.

Styrktaraðilar að gjöfum og viðurkenningum eru sveitarfélögunum á norðanverðu Snæfellsnesi og sunnanverðum Vestfjörðum, Danska sendiráðið, Íslenska stærðfræðifélagið, Arion banki, Landsbankinn, Háskóli Íslands og Háskólinn í Reykjavík.

Ávörp og hvatning

Margrét Lilja Aðalsteinsdóttir tók þeirri áskorun að flytja ræðu fyrir hönd nýstúdenta og talaði hún um rússíbanana sem hafa verið í náminu síðustu ár og áskoranirnar við að vera í námi á Covid tímum og að stunda nám frá framhaldsdeildinni á Patró. Hún nefndi tækifærin sem hún fékk til þess að ferðast en hún fór bæði til Berlínar og Tékklands á námstímanum og tekur með sér góðar minningar þaðan sem og úr skólalífinu. Að lokum sagði hún: „Að hafa fengið að læra hér í þessum skóla er búið að vera ótrúlega gaman og mæli ég eindregið með fyrir aðra krakka að koma í FSN. Ég er nú samt eiginlega ekki tilbúin að sleppa skólanum en maður þarf að gera það.“

María Kúld kennari við Fjölbrautaskóla Snæfellinga átti 15 ára stúdentsafmæli og fluttu hún ræðu af því tilefni og sagði: „Hvað svo sem tekur við hjá ykkur eftir daginn í dag þá vona ég að þær minningar sem þið eigið héðan, sú þekking sem þið takið héðan og sú vinátta sem þið hafið skapað hér fylgi ykkur út í lífið og hafi gert ykkur að enn betri og meiri manneskjum en þið voruð þegar þið stiguð hingað fyrst inn.“ Svo hvatti hún nýstúdenta til þess að vera óhrædda við að taka næstu skref, í hvaða átt sem þau kunna að leiða; að taka breytingum og tækifærum opnum örmum, gera mistök, taka áhættur og eltast við draumana sína sama hversu stórir eða smáir þeir eru því við vitum aldrei hvert það mun leiða okkur.

Jakob Bragi Hannesson kennari sendi rafræna kveðju fyrir hönd kennara og starfsfólks og fór inn á þá kennsluhætti í leiðsagnarnámi sem skólinn hefur frá upphafi notast við og hann nefndi þær áskoranir sem gervigreindin mun verða á komandi árum en hann vildi meina að kjötheilinn yrði alltaf framar en stafræni heilinn og hvatti nemendur til þess að staldra við og vera í náttúrunni og núinu.

Leiðbeinendur og verkstjórar

Hrafnhildur Hallvarðsdóttir talaði í ávarpi sínu um kennsluhætti FSN og hversu mikilvægur skólinn er fyrir samfélögin sem að honum standa og sagði m.a.: „Í FSN fer fram einstaklingsmiðað nám þar sem sveigjanleiki og upplýsingatækni er í hávegum höfð og allir kennarar eru dreifkennarar. Hefðbundin fyrirlestrakennsla er lítið sem ekkert notuð sem kennsluaðferð í skólanum heldur felst hlutverk kennara meira í að vera leiðbeinendur og verkstjórar og efla nemendur í að vinna sjálfstætt. Ég ætla að fullyrða það að skólinn hefur haft mikil áhrif á íbúaþróun á Snæfellsnesi og á sunnanverðum Vestfjörðum. Ég hef sagt það áður og ég mun halda áfram að endurtaka að það er byggðastefna að hafa skóla á landsbyggðinni og það eru mikil forréttindi að geta haft börn heima í framhaldsnámi.“

Tónlistaratriði við athöfnina voru flutt af nýstúdentum. Helena María Ægisdóttir spilaði á kornett lagið Lítil ungversk rapsódía og Jóhanna María Ægisdóttir spilaði á flygil menuett í C-moll eftir Mozart. Gísli Pálsson kennari var kynnir við útskriftarathöfnina.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/05/Utskrift-fra-Fjolbrautaskola-Snaefellinga_2-1200x1799.jpg" alt="" class="wp-image-65243"/><figcaption>Dúx skólans að þessu sinni var Jóhanna María Ægisdóttir en hún hlaut 9,5 í lokaeinkunn.</figcaption></figure>

Fréttaveita Vesturlands

Útskrift frá Fjölbrautaskóla Snæfellinga