medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/paragraph

Síðastliðinn föstudag voru 40 nemendur brautskráðir frá Menntaskóla Borgarfjarðar í Borgarnesi. Elinóra Ýr Kristjánsdóttir nýstúdent flutti ávarp fyrir hönd útskriftarnema. Minnti hún samnemendur sína á að dagurinn væri stór áfangi en samt einungis byrjunin. Elinóra sagði m.a.: „Það mikilvægasta sem að við höfum lært á menntaskólaárunum er ef til vill eitthvað allt annað. Að læra að vinna fyrir hlutunum, að læra að bera ábyrgð á eigin árangri, að læra að gera mistök og að læra að læra af mistökunum er til að mynda dýrmætur lærdómur og gott veganesti út í lífið.“

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/05/Fjorutiu-brautskradir-fra-Menntaskola-Borgarfjardar_4-1200x800.jpg" alt="" class="wp-image-65235"/><figcaption>Elinóra Ýr Kristjánsdóttir nýstúdent flutti ávarp fyrir hönd útskriftarnema.</figcaption></figure>

Að venju var utanaðkomandi aðila boðið að vera með gestaávarp við brautskráningu en að þessu sinni var það Margrét Jónsdóttir Njarðvík rektor Háskólans á Bifröst sem hvatti nemendur til að taka óhræddir móti næstu áskorunum; hleypa heimdraganum og horfa til heimsins alls. Ávarp tíu ára stúdents var í höndum Bjarka Þór Grönfeldt frá Brekku. Hann minnti nemendur á þau forréttindi sem eru fólgin í því að eiga tækifæri til náms. Eins lýsti hann ferð sinni til Sierra Leone og setti í samhengi þær ólíku aðstæður sem fólk um allan heim býr við. Tónlistaratriði við brautskráningu voru í höndum tveggja nýstúdenta við skólann; þeirra Signýjar Maríu Völundardóttur og Andreu Jökulsdóttur. Undirleikari með þeim var Halldór Hólm Kristjánsson.

Að þessu sinni voru útskrifaðir þrír nemendur af Náttúrufræðibraut, tveir af Náttúrufræðibraut – búfræðisviði, sjö af Félagsfræðasviði, þrír af Íþróttafræðibraut – náttúrufræðisviði, fjórir af Íþróttafræðibraut – félagsfræðasviði, 16 af Opinni braut, þrír með viðbótarnám til stúdentsprófs og tveir af starfsbraut.

Bragi Þór Svavarsson skólameistari ávarpaði útskriftarnema í lok athafnar þar sem hann óskaði þeim gæfu og gengis og hvatti nemendur til áframhaldandi góðra verka og minnti þá á að hafa rödd, og muna að eiga skýra rödd og láta hana heyrast hvar sem er og hvenær sem er meðal annars til að mótmæla óréttlæti, fagna fjölbreytileika, rækta vinskap og vera kærleiksrík.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/05/Fjorutiu-brautskradir-fra-Menntaskola-Borgarfjardar_2-1200x800.jpg" alt="" class="wp-image-65234"/><figcaption>Jara Natalía Florence Jonsson fékk verðlaun fyrir bestan árangur á stúdentsprófi. Hér er hún ásamt Braga Þór Svavarssyni skólameistara.</figcaption></figure>

Verðlaun og viðurkenningar

Verðlaun fyrir bestan námsárangur á stúdentsbraut hlaut Jara Natalía Florence Jonsson með einkunnina 9,79 og fékk fyrir það viðurkenningu frá Arion banka. Jara fékk einnig verðlaun fyrir góðan námsárangur í íslensku sem eru gefin af Kvenfélagi Borgarness, verðlaun fyrir góðan námsárangur í raungreinum sem eru gefin af Háskólanum í Reykjavík og verðlaun fyrir góðan námsárangur í stærðfræði sem eru gefin af Stærðfræðifélagi Íslands.

Alexander Jón Finnsson fékk verðlaun fyrir góð störf í þágu félagslífs nemenda gefin af Borgarbyggð.

Atli Hjaltason fékk verðlaun fyrir góðan árangur í náttúruvísindum sem Íslenska gámafélagið veitir og eins veitti Menntaskóli Borgarfjarðar Atla verðlaunin „Sjálfstæði – færni – framfarir“ sem byggja á einkunnarorðum skólans.

Elinóra Ýr Kristjánsdóttir fékk verðlaun fyrir góð störf í þágu félagslífs nemenda gefin af&nbsp; Borgarbyggð. Elinóra fékk einnig verðlaun fyrir góðan námsárangur í íþróttagreinum sem Sjóvá veitir og verðlaun fyrir góðan námsárangur í dönsku frá Danska sendiráðinu. Að lokum fékk hún Menntaverðlaun Háskóla Íslands sem eru veitt einstaklingi sem hefur sýnt góðan árangur á stúdentsprófi, auk þess sem Eilinóra hefur sýnt eftirtektarverðan árangur í íþróttum og setið í Nemendaráði MB.

Fabian Jan Zawiszewski fékk hvatningarverðlaun sem Límtré Vírnet gefur og eru veitt dreng sem hefur sýn, þrautseigju og framfarir í námi.

Sara Björk Karlsdóttir fékk hvatningarverðlaun Zontaklúbbs Borgarfjarðar, sem eru veitt stúlku sem hefur sýnt, þrautseigju og framfarir í námi.

Signý María Völundardóttir fékk viðurkenningu fyrir vandaðasta lokaverkefnið 2023. Einnig veitti Kaupfélag Borgfirðinga Signýju verðlaun fyrir góðan árangur í félagsgreinum.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/05/Fjorutiu-brautskradir-fra-Menntaskola-Borgarfjardar_3-1200x800.jpg" alt="" class="wp-image-65236"/><figcaption>Hátíðleg stund og skreyttur salur Menntaskóla Borgarfjarðar.</figcaption></figure>

Fréttaveita Vesturlands

Fjörutíu brautskráðir frá Menntaskóla Borgarfjarðar