Í kjölfar riðutilfella í Miðfirði sem upp komu í apríl sendi Lilja Rannveig Sigurgeirsdóttir, þingmaður Framsóknar í Norðvesturkjördæmi, fyrirspurn til matvælaráðherra um varnarlínur sauðfjársjúkdóma. Þar með talið um hvaða varnarlínum ráðherra hafi ákveðið að viðhalda á árinu 2023, hver kostnaður við viðhald varnarlína hefur verið á síðustu árum og hver sé áætlaður kostnaður vegna fyrirhugaðs viðhalds varnarlína á yfirstandandi ári. Ráðherra hefur nú svarað fyrirspurn þingmannsins.