medium

large

thumbnail

small

custom-size

Bjarki Pétursson varð í sjöunda sæti

1536x1536

Snæfell kom sér inn í einvígið gegn Tindastóli

Gleði og glaumur á söngleiknum Grease

2048x2048

Kallað eftir tilnefningum til foreldraverðlauna

Fellsströndin og Gullni söguhringurinn

Salmonella í kjúklingi frá Matfugli

core/paragraph

Samtök sveitarfélaga á Vesturlandi og fulltrúar fjögurra sveitarfélaga í landshlutanum hafa skrifað undir samning um þátttöku í Listavinnuskólanum. Verkefnið verður hluti af áhersluverkefni Sóknaráætlunar Vesturlands með yfirtitlinum „Menningargróska“. Það eru Akraneskaupstaður, Borgarbyggð, Grundarfjarðarbær og Sveitarfélagið Stykkishólmur sem taka þátt í samstarfinu og hafa umsjón með verkefninu á sínum svæðum, en Sigursteinn Sigurðsson menningarfulltrúi SSV heldur utan um verkefnið.

„Verkefnið gengur út á að Sóknaráætlun leggur til aukaframlag við launakostnað flokksstjóra í vinnuskólum sveitarfélaganna. Þannig að hægt sé að ráða flokkstjóra með menntun og/eða reynslu í listgreinum. Auk þess kemur viðbótarframlag sem nýtist til hugsanlegra efniskaupa við verkefnið. Að sama skapi eru markmið verkefnisins að skapa störf fyrir fólk starfandi í listum,“ segir í tilkynningu frá SSV.

Starfsfólk vinnuskólanna er á aldrinum 13-15 ára og hafa starfað við fegrun og umhirðu svæða innan sveitarfélaganna. Með Listavinnuskólanum gefst þeim tækifæri á að starfa við skapandi greinar í sínum sumarstörfum, og munu til dæmis fá leiðsögn við gerð götulistaverka frá fagfólki. Í Menningarstefnu Vesturlands 2021-2024 er sett fram aðgerð sem miðar við að á Vesturlandi verði boðið upp á skapandi sumarstörf fyrir unglinga, og er þetta verkefni liður í þeirri vegferð.

Listavinnuskólanum ýtt úr vör á Vesturlandi