medium

large

thumbnail

1536x1536

small

custom-size

Ekki byrði heldur virði – virkara og hraustara eldra fólk

2048x2048

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

core/paragraph

Á komandi veiðisumri er gert ráð fyrir því að öll stang- og netaveiði á laxi og silungi hér á landi verði skráð rafrænt. Hafrannsóknastofnun hefur í samstarfi við Fiskistofu opnað aðgang fyrir rafræna skráningu á veiði og er hægt að nálgast skráningarform á slóðinni https://veidibok.hafogvatn.is/. Aðgangur að skráningakerfinu er gjaldfrjáls og er hægt að framkvæma með nettengdum tölvum og snjalltækjum, og eru snjallsímar þar með taldir.

„Með opnun rafrænnar skráningar verður hin hefðbundna skráning veiði í veiðibækur aflögð og verða veiðibækur því ekki sendar til veiðiréttarhafa í ár. Í undantekningartilfellum, þar sem rafrænni skráningu verður ekki viðkomið, verður hægt að óska eftir eftir hefðbundnum veiðibókum til skráningar yfir veiðitíma, en að veiðitölur verði síðan skráðar og skilað rafrænt. Taka ber fram að skráning veiði er lagaskylda skv. 13 gr. laga nr. 61/2008, en þar segir: „Gera skal skýrslu um veiði í sérhverju veiðivatni og netlögum sjávarjarða og hvílir skylda til skýrslugjafar á handhafa veiðiréttar og sérhverjum þeim er veiði stundar“,“ segir í tilkynningu frá Hafró.

Þá segir að góð skráning veiði sé einn af hornsteinum þess að skrá og vakta nýtingu þeirra auðlinda sem felast í fiskstofnum í ám og vötnum. „Skráning lax- og silungsveiði hér á landi byggir á formi veiðibóka sem að stofni til er frá árinu 1946. Skráning laxveiði er almennt góð og kannanir sýna að 98% laxveiðinnar er skráð í veiðibækur. Silungsveiði hefur ekki verið eins vel skráð eða um 40% á landsvísu og er þar til nokkurs að vinna. Vonast er til að skráning silungsveiði muni batna með tilkomu rafrænnar skráningar.“

Veiðibækur afnumdar og rafræn skráning tekin upp á lax- og silungsveiði