medium

large

thumbnail

1536x1536

2048x2048

small

custom-size

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

Mældist á 140 km hraða þar sem hámarkshraði er 90

core/paragraph

Voot ehf. opnaði nýja verslun í Ólafsvík fyrir rétt rúmu ári síðan og þar er lögð áhersla á gott úrval af rekstrarvörum fyrir sjávarútveg, landbúnað, matvælavinnslur og aðra starfsemi en einnig sérvöru fyrir bæjarbúa. Auk þess selur verslunin efnavörur og olíur frá Olís. Björn Haraldur Hilmarsson er útibússtjóri Voot á Snæfellsnesi og blaðamaður Skessuhorns kíkti við á Ólafsbraut 19 þegar hann var á ferðinni þar nýverið.

core/heading

Björn segir að síðan verslunin var opnuð hafi þetta gengið mjög vel en hún er staðsett þar sem Brauðgerð Ólafsvíkur var áður til húsa í meira en fjörutíu ár. Björn er öllu vanur í bransanum en hann var alls í níu ár útibússtjóri hjá Olís þar til þeir hættu með rekstur útibúsins í apríl á síðasta ári. „Ég hef byggt þetta á reynslunni sem ég hafði frá Olís og við erum með sams konar samsetningu á vörum, bæði að sinna fyrirtækjum og einstaklingum. Við erum með gríðarlega mikla þjónustu við sjávarútveginn og með mjög mikið af vörum tengdum sjávarútvegi. Voot Beita er dótturfélag Hampiðjunnar þannig að við höfum aðgengi að öllu sem viðkemur sjávarútvegi. Við bjóðum upp á hágæða beitu sem við fáum frá traustum íslenskum og alþjóðlegum birgjum. Svo erum við með mjög sterka rekstrarvörudeild þar sem við erum að sinna fyrirtækjum og einstaklingum. Þá erum við einnig með alls kyns sérvörur eins og tæki frá Origo og Ormsson, vörur frá Ellingsen og útivistarföt frá Didrikson og Cintamani.“

core/image

<figure class="wp-block-image size-large"><img src="https://umsjon.skessuhorn.is/wp-content/uploads/2023/05/Byggjum-thetta-a-reynslunni2-1200x900.jpg" alt="" class="wp-image-65115"/><figcaption>Verslun Voot er staðsett á Ólafsbraut 19.</figcaption></figure>

Voot ehf. framleiðir öryggis- og vinnufatnað undir merkjum Mar Wear. Má þar nefna m.a. sjóklæðnað og stígvél fyrir sjómenn sem og vinnslu- og þrifafatnað. „Við framleiðum ansi mikið af sjófatnaði eins og sjógöllum, hönskum og stígvélum og einnig einnota hanska, ermahlífar einnota og margnota,“ segir Björn. En hvernig er reynslan af þessum MarWear fatnaði? „Hún er mjög góð, við nánast seljum 95% af öllum okkar sjófatnaði frá þeim og það eru langflestar útgerðir og fiskvinnslur hérna á svæðinu í viðskiptum við okkur.“

<h2>Geta reddað öllu hvenær sem er</h2>

Björn segir að vinnan sé afskaplega skemmtileg og fjölbreytt og hann hlakki til að fara í vinnuna alla daga. Þeir séu að reka þetta eins og þeir telja að sé best og það hafi gengið vel til þessa. Tveir starfsmenn eru í versluninni en auk Björns er Jóhannes Ólafsson sölufulltrúi og nokkrir auka starfsmenn sem hjálpa til þegar þeir fara í frí eða þurfa að skjótast frá. Opnunartíminn er frá klukkan 8-17 alla virka daga og lokað um helgar en Björn segir að aðgengi sé að þeim tveim nánast alltaf. „Þessir föstu kúnnar geta alltaf náð í okkur og við getum reddað öllu hvenær sem er sólarhringsins. Svo erum við einnig umboðsmenn Olís, sjáum um bryggjudælurnar og afgreiðum skipin með olíu og sjáum um að þjónusta kúnna Olís hér á svæðinu. Við erum einnig að selja vörur frá þeim og ætlum að halda því áfram.“

Björn er einnig forseti bæjarstjórnar í Snæfellsbæ og hefur verið það síðan hann kom vestur árið 2013 og hóf að vinna hjá Olís. „Ég var plataður í þetta fyrir kosningarnar 2014. Fyrsta árið var ég óbreyttur bæjarfulltrúi en tók við árið eftir sem forseti bæjarstjórnar og ég hef núna verið í átta ár í því starfi." Björn segir að lokum að fyrirtæki og bæjarbúar hafi tekið þeim mjög vel frá opnun og þetta sé alveg komið til að vera. „Við erum alltaf að breikka vörulínuna og fyrirtækið mun halda áfram að vaxa með hverju árinu. Ég þarf alltaf að hafa nóg fyrir stafni og þannig er ég bara, ég fúnkera best á þann veginn.“

Fréttaveita Vesturlands

„Byggjum þetta á reynslunni“