Runólfur Guðmundsson útgerðarmaður og stjórnarformaður í Guðmundi Runólfssyni hf í Grundarfirði, lífskúnstner og gleðigjafi, fagnaði í gær 75 ára afmæli sínu. Eins og hans var von og vísa var það gert með myndarbrag. Eftir hádegið var opið hús í fiskvinnslunni og á netaverkstæðinu en um kvöldið var slegið upp afmælisveislu í Samkomuhúsinu, með miklum söng og enn meiri gleði. Meðfylgjandi eru nokkrar myndir sem fréttaritarar Skessuhorns, þeir Tommi og Summi, tóku í gær.