KB og Reynir Hellissandi áttust við í 1. umferð í riðli A í 5. deild karla í knattspyrnu á miðvikudaginn og fór leikurinn fram á Domusnovavellinum í Breiðholti.  Heimamenn komust yfir á 21. mínútu þegar Gústaf Hreinn L. Kristjánsson skoraði úr víti en Matteo Tuta jafnaði metin fyrir Reyni tíu mínútum fyrir hálfleik og þannig var staðan þegar menn gengu til búningsherbergja í smá hressingu.