medium

large

thumbnail

1536x1536

small

custom-size

Náðu bátnum af hafsbotni

Lárus Orri snýr aftur heim á Skagann

2048x2048

Steinlistaverk til heiðurs íbúum Hellissands og Snæfellsjökli

Kurr á sumartónleikum í Hallgrímskirkju

Lengt fæðingarorlof vegna fjölbura

Andlát – Magnús Þór Hafsteinsson

core/paragraph

Á fundi sínum 4. maí síðastliðinn samþykkti bæjarstjórn Sveitarfélagsins Stykkishólms samninga við Eyja- og Miklaholtshrepp um að veita börnum með lögheimili í hreppnum skólaþjónustu, þ.e. leikskóla, grunnskóla og tónlistarskóla. Hafa formlegar viðræður milli sveitarfélaganna um skólaþjónustu verið í gangi síðan í lok febrúar á þessu ári.

Segir í tilkynningu á vef Stykkishólms að um sé að ræða fjóra samninga. Einn samningur fyrir grunnskóla, annar fyrir leikskóla, sá þriðji fyrir tónlistarskóla og að auki sé einn yfirsamningur sem rammar inn hina samningana. Voru samningarnir fjórir undirritaðir í gær, miðvikudaginn 10. maí, og þar með ljóst að í Laugargerðisskóla verða engin börn næsta vetur.

Alls eru 15 börn í Laugargerðisskóla á þessu skólaári í 1.- 9. bekk. Ellefu þeirra nemenda eru búsettir í Eyja- og Miklaholtshreppi en fjórir í Borgarbyggð. Þá eru átta starfsmenn við skólann í 6,8 stöðugildum; skólastjóri, kennari, sérkennari, matráður, tveir stuðningsfulltrúar, ræstitæknir og íþróttakennari. Vegalengd milli Laugargerðis og Stykkishólms er um 57 kílómetrar.

core/heading

<h2>Fundur síðdegis um tilboð foreldra</h2>

Foreldrafélag Laugargerðisskóla hefur í allt vor reynt að leita leiða til þess að Laugargerðisskóla verði ekki lokað. Gerði foreldrafélagið og óstofnað ehf. sveitarfélaginu til að mynda kauptilboð í allar eignir sem tilheyra Laugargerðisskóla og lýstu því jafn framt yfir að þau væru tilbúin til að stofna og reka opinn skóla í Laugargerði, með samningi við sveitarfélagið.

Síðdegis í dag verður fundur í sveitarstjórn Eyja- og Miklaholtshrepps þar sem ársreikningur sveitarfélagsins er til seinni umræðu. Þar verður einnig tekið fyrir erindi frá Eggerti Kjartanssyni fyrir hönd óstofnaðs ehf. um drög að þjónustusamningi vegna Laugargerðisskóla og drög að húsaleigusamningi um atvinnuhúsnæði.

Fréttaveita Vesturlands

Laugargerðisskóla lokað – Samið við Stykkishólm