Úr Deildartunguhver renna stöðugt um 180 lítrar á sekúndu af 97–99°C heitu vatni. Vatnið er tvo til þrjá sólarhringa að renna frá dælustöðinni í Deildartungu eftir hitaveitulögninni út á Akranes en það kólnar um rúmlega 10°C á leiðinni. Hitaveita HAB, sem Veitur reka, hefur sett sér stefnu sem gildir til 2070. Fram kemur í skýrslunni að eftirspurnarspáin geri ráð fyrir vexti um 1,6% á ári. Ef aukning heldur áfram með sama hraða og verið hefur sl. 10 ár mun eftirspurn í veitunni aukast um 250 l/s af 97°C vatni á næstu 50 árum. Það er ríflega tvöfalt það vatn sem nú er virkjað í Deildartungu og í Bæ í Bæjarsveit.