medium

large

thumbnail

1536x1536

2048x2048

small

custom-size

Ólafsvíkurvaka heppnaðist með ágætum – myndasyrpa

Lokadagur Fjórðungsmóts Vesturlands runninn upp

Mótorhjólaslys í Staðarsveit

Ástand Snæfellsnesvegar hefur aldrei verið verra

Hola!

Þúsund tonnum bætt við strandveiðikvótann

core/paragraph

Kolbein Óskar Bjarnason má vafalaust titla yngsta bónda landsins. Hann er fæddur árið 2005 og festi nýverið kaup á sauðfjárbúi að Kötlulandi í Reykhólasveit, en hann verður 18 ára í júlí næstkomandi. Kolbeinn er alinn upp á 550 kinda búi en hefur þó áhuga á flestum búskap.

,,Ég er rosalega spenntur fyrir þessu og kann vel við mig sem sauðfjárbóndi. Þetta æxlaðist þannig að fólkið sem átti þetta sá ekki fram á að geta sinnt þessu mikið lengur svo þau spurðu mig hvort ég hefði áhuga á að kaupa þetta af þeim. Ég ákvað bara að slá til. Hérna eru 220 fjár, fjárhús og smá land í kring en ég leigi mér húsnæði á Reykhólum,“ segir Kolbeinn þegar blaðamaður Skessuhorns leit í heimsókn að Kötlulandi um liðna helgi.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/05/Keypti-saudfjarbu-sautjan-ara_2-1200x900.jpg" alt="" class="wp-image-64225"/><figcaption>Fjárhúsin á Kötlulandi.</figcaption></figure>

Þrátt fyrir ungan aldur hefur Kolbeinn talsverða reynslu af búskap og ákvað ungur að stefna á nám við Landbúnaðarháskólann. ,,Ég hef verið að vinna á kúabúi í Landeyjunum síðustu þrjú sumur og hef í rauninni áhuga á öllum búskap. Ég er eins og er í fjarnámi í vélvirkjun í Borgarholtsskóla og það var alltaf stefnan að fara í Landbúnaðarháskólann líka, svo vonandi á ég eftir að gera það. Mig langar líka að bæta aðeins við mig hér og a.m.k. fylla fjárhúsin,“ segir Kolbeinn. Sauðburður er framundan á Kötlulandi en Kolbeinn segist eiga gott stuðningsnet í kringum sig sem getur aðstoðað á álagstímum. ,,Ég á marga ættingja hér í kring sem geta aðstoðað mig ef eitthvað er en ég á ekki von á öðru en að sauðburðurinn muni ganga smurt fyrir sig,“ segir Kolbeinn.

Keypti sauðfjárbú sautján ára og er yngsti bóndi landsins