Í Stykkishólmi hefur nú verið komið á fót tilraunaverkefni sem felst í því að mánaðarlega verður gefið út prentrit sem hefur að geyma allar helstu fréttir af vefsíðu sveitarfélagsins. Segir í tilkynningu á vef Stykkishólmsbæjar að ákveðið hafi verið að fara af stað með þetta verkefni því ákall hafi verið um að bæta þyrfti upplýsingaflæði til þess hóps fólks sem ekki notar tölvur.