Á fundi bæjarstjórnar Sveitarfélagsins Stykkishólms 30. mars sl. var lögð fram tillaga að deiliskipulagi fyrir hafnarsvæðið við Skipavík, ásamt greinargerð en sömuleiðis voru lagðar fram afgreiðslur 8. fundar skipulagsnefndar og 3. fundar hafnarstjórnar til staðfestingar, sem staðfestar voru á 9. fundi bæjarráðs, 21. mars. Óeining er um deiliskipulagstillöguna í bæjarstjórn sem staðfesti með fjórum atkvæðum H-lista afgreiðslu 8. fundar skipulagsnefndar og 3. fundar hafnarstjórnar en þrír fulltrúar Í-lista sátu hjá.