medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/paragraph

Í fyrsta skipti hefur verið lögð fram tillaga til þingsályktunar um landbúnaðarstefnu fyrir Ísland. Stefnan var sett fram í liðinni viku af Svandísi Svavarsdóttur matvælaráðherra og gildir hún til ársins 2040. Áherslur stefnunnar eru m.a. fæðuöryggi, loftslagsmál, landnýting, varðveisla landbúnaðar, alþjóðleg markaðssetning og fleira. Stefna stjórnvalda í landbúnaðarmálum hefur hingað til einungis birst í búvöru- og búnaðarlögum og síðar í búvörusamningum en það fyrirkomulag var tekið upp árið 1985.

Mótun sérstakrar landbúnaðarstefnu er sögð eiga að stuðla að samhæfðari áætlanagerð og stefnumótun auk þess að setja viðmið til setningu löggjafar á öðrum sviðum.

Í greinargerð stefnunnar segir: ,,Mótun landbúnaðarstefnunnar á sér langan aðdraganda. Þáverandi sjávarútvegs- og landbúnaðarráðherra skipaði samráðshóp um fyrri endurskoðun búvörusamninga árið 2018 og meðal þess sem hópurinn lagði til var að unnin yrði sviðsmyndagreining um framtíð landbúnaðarins til ársins 2040. Í kjölfarið vann KPMG slíka greiningu og fól hún í sér umfangsmikla gagnaöflun með þátttöku yfir 400 manns, m.a. með viðtölum, netkönnun, opnum fundum á sex landsvæðum og greiningu á opinberum gögnum. Í greiningunni var hvatt til þess að unnin yrði landbúnaðarstefna og var verkefnisstjórn um landbúnaðarstefnu fyrir Ísland skipuð 15. september 2020. Í heildina hélt verkefnisstjórnin um 70 fundi með gestum og tók auk þess saman og kynnti sér mikið safn ritaðra heimilda.

30. mars 2021 skilaði verkefnisstjórnin ráðherra umræðuskjalinu Ræktum Ísland! Umræðuskjalið var sett í samráðsgátt stjórnvalda og bárust alls 24 umsagnir til ráðuneytisins. Sjávarútvegs- og landbúnaðarráðherra boðaði til tíu funda um land allt ásamt því að halda opinn rafrænan fund til að ræða skjalið og kalla eftir hugmyndum og ábendingum en tæplega 300 manns tóku þátt í fundunum. Í kjölfarið vann verkefnisstjórnin úr þeim umsögnum sem bárust, bæði í samráðsgátt og á framangreindum fundum, og skilaði skjalinu Landbúnaðarstefnan Ræktum Ísland! 19. ágúst 2021. Í skjalinu er að finna áhersluatriði, umræðuskjalið, útdrætti úr umsögnum úr samráðsgátt og frásagnir af fundum um land allt auk heimildalista.“

Fréttaveita Vesturlands

Landbúnaðarstefna í fyrsta sinn á Íslandi