medium

large

thumbnail

1536x1536

small

custom-size

Kálfafjós í byggingu á Litla Kroppi

Þema ljósmyndasamkeppni er gleði

2048x2048

Bæjarsjóður Akraneskaupstaðar gerður upp með 319 milljóna króna hagnaði

Gleðilegt sumar!

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

core/paragraph

„Hagnýting vindorku,- fræðslu- og kynnisferð,“ er yfirskrift Noregsferðar sem stefnt er að í lok apríl fyrir sveitarstjórnarfólk hér á landi. Það er sendiráð Íslands í Noregi sem stendur fyrir skipulagningu ferðarinnar ásamt Grænvangi, en það er samstarfsvettvangur atvinnulífs og stjórnvalda um loftslagsmál og grænar lausnir. Hlutverk Grænvangs er m.a. að draga úr losun gróðurhúsalofttegunda og styðja við markmið um kolefnishlutlaust Ísland árið 2040.

Sveitarfélögum á landssvæðum, þar sem vindorkuver eru í undirbúningi, býðst að slást í för með Noregsförum og panta þátttöku, en þó á eigin kostnað. Í ferðinni verður leitast við að kynnast reynslu Norðmanna af nýtingu vindorku þar í landi. Erindi þessa efnis var m.a. lagt fram og afgreitt í byggðarráði Borgarbyggðar síðastliðinn fimmtudag. Í bókun af fundinum segir: „Um er að ræða málefni sem á komandi misserum mun kalla á vandaða stefnumótun og aðra ákvarðanatöku af hálfu sveitarfélagsins. Byggðarráð leggur til að fjórir fulltrúar taki þátt í ferðinni fyrir hönd sveitarfélagsins.“

Samkvæmt kynningu um væntanlega ferð er markmið hennar að veita sveitarstjórnarfólki innsýn í orkumál í Noregi og varpa ljósi á ólík viðfangsefni og reynslu, allt frá stefnumótun og löggjöf til innleiðingar og reksturs vindorkuvera frá sjónarhorni ólíkra hagaðila. Vindorkuver verða heimsótt og kynningar fara fram af hálfu lykilaðila í norsku vindorku umhverfi, þar á meðal frá fyrirtækjum á borð við Statskraft (norska Landsvirkjunin) og vindmyllufyrirtækjum á borð við Vestas, Zephyr, Zero og fleiri.

Þiggja þátttöku í fræðsluferð til Noregs til að kynna sér nýtingu vindorku