medium

large

thumbnail

1536x1536

small

custom-size

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

2048x2048

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

Fjölbrautaskóli Snæfellinga 20 ára

Styrktartónleikar í Borgarneskirkju

core/paragraph

Framkvæmdir við nýja íþróttahúsið á Jaðarsbökkum á Akranesi hófust með jarðsvegsskiptum og breytingum á lögnum haustið 2021 og annaðist Vélaleiga Halldórs Sigurðssonar þann verkþátt. Sumarið 2022 hófu síðan Flotgólf Byggingaverktakar framkvæmdir við uppsteypu og frágang og er það verk enn í gangi.

Íþróttahúsið samanstendur af fjölnota íþróttasal og hliðarbyggingu á tveimur hæðum fyrir ýmis fylgirými. Íþróttasalurinn verður 50 metrar að lengd og 38,5 metrar á breidd að innanmáli, alls 1.925 fermetrar. Í kjallara verða búningsherbergi fyrir íþróttasalinn, Akraneshöllina, Akranesvöll, æfingasvæðið og önnur útisvæði. Húsið er ætlað fyrir iðkendur ýmissa greina íþrótta; svo sem knattspyrnu, körfubolta, handbolta og blak, sem og fyrir nemendur Grundaskóla í skólaleikfimi. Búningsherbergin eru fyrir alla iðkendur á svæðinu, jafnt innandyra sem utan. Einnig er gert ráð fyrir fjölbreyttum uppákomum sem geta farið fram í sal íþróttahússins, svo sem samkomur, tónleikar og svo framvegis.

Að sögn Ásbjörns Egilssonar, verkefnastjóra á umhverfis- og skipulagssviði Akraneskaupstaðar, hefur verkið gengið ágætlega en tvennt sem hafi valdið töfum í uppsteypu. „Í byrjun náðist ekki þjöppun á púða og þurfti að fara í efnisskipti og drenaðgerðir til þess að uppfylla skilyrði um þjöppun. Nú í vetur hefur veðrátta sett talsvert strik í reikninginn, bæði mikill vindur þar sem þá ekki er hægt að hífa og langir frostakaflar sem hefur áhrif á jarð- og steypuvinnu.“

En hver eru næstu skref við bygginguna? „Í uppsteypunni er stefnt á að steypa fyrsta hluta milliplötu í vikunni milli kjallara og 1. hæðar og í kjölfarið veggi á 1. hæð og klára milliplötuna. Og síðan bara áframhaldandi uppsteypa. Stálvirki í þak er væntanlegt í vor og verður farið í það þegar uppsteypu lýkur. Í sumar og haust verður farið í glugga, hurðar, utanhússfrágang og þakfrágang.“

Ásbjörn segir einnig að innanhússfrágangur verði boðinn út á næstu mánuðum og í framhaldinu útboð vegna lóðafrágangs. En er komin tímasetning hvenær húsið verður tilbúið? „Stefnt er á að framkvæmdum verði lokið í árslok 2025,“ segir Ásbjörn.

core/image

Fréttaveita Vesturlands

Stefnt á að nýja íþróttahúsið á Jaðarsbökkum verði opnað í lok árs 2025