medium

large

thumbnail

1536x1536

2048x2048

small

custom-size

Flest mál ríkisstjórnarinnar önnur en veiðigjald falla dauð

Veisla í Leirársveitinni – en svaf út síðasta morguninn

Spá miklum hlýindum nú í byrjun vikunnar

Drógu vélarvana Dettifoss í höfn

Sturluhátíð haldin í Dölum í dag

„Meirihlutinn á alltaf að ráða för“ segir bæjarstjóri Snæfellsbæjar

core/paragraph

Akraneskaupstaður og Brimilshólmi ehf., eitt dótturfélaga Eðalfangs, hafa undirritað samning um lóð í grænum iðngörðum í Flóahverfi á Akranesi. Með samningnum tryggir Eðalfang sér aðgang að lóðum sem eru yfir 2,4 hektari að stærð og hefur rétt til byggingar á um 13.000 fm. húsi. Lóðin er staðsett í matvælahluta grænna iðngarða og verður afhent Eðalfangi til uppbyggingar árið 2024.

„Með því að tryggja sér lóð og byggingarétt í Kelduflóa 2 er fyrirtækjum Eðalfangs mögulegt að stækka starfsemi sína og ná fram markmiði sínu um að verða öflugir þátttakendur í næstu bylgju í sjávarútvegi á Íslandi sem er þegar hafin. Mikil tækifæri eru í aukinni verðmætasköpun með fullvinnslu afurða á Íslandi til útflutnings í samvinnu við eldisfyrirtækin. Á sama tíma að halda áfram að starfa sem stærsti dreifingaraðili fiskmetis á innanlandsmarkaði. Eðalfang er með skýra framtíðarsýn og stefnir á að verða leiðandi í fullvinnslu á laxaafurðum á Íslandi. Reynsla starfsfólks og núverandi eigenda, gæðavottuð vinnsla og sérstaða Íslands varðandi gæði afurða og lægra kolefnisfótspors, mun nýtast vel í þeirri sókn sem félagið undirbýr af krafti á erlenda markaði,“ segir í tilkynningu.

Eðalfang er í grunninn tvö matvælafyrirtæki með áherslu á sjávarútveg; Eðalfiskur ehf. í Borgarnesi og Norðanfiskur ehf. á Akranesi. Bæði fyrirtækin framleiða hágæða sjávarfang, hvort á sínu sviði. Eðalfiskur sérhæfir sig í framleiðslu, sölu og dreifingu á úrvals ferskum, frystum, reyktum og gröfnum laxaafurðum þar sem stór hluti afurða fyrirtækisins er seldur á erlendum mörkuðum. Norðanfiskur ehf. sérhæfir sig í framleiðslu, sölu og dreifingu á úrvals sjávarfangi til veitinga- og stóreldhúsa á innanlandsmarkaði ásamt sölu neytendapakkninga í verslunum um land allt. Fyrirtækin eru með 62 starfsmenn og viðskiptavini í níu löndum. Eðalfang er einnig móðurfélag fasteignafélagsins Brimilshólma ehf.

Stefnan er að öll starfsemi Norðanfisks flytji frá Vesturgötu á Akranesi í Kelduflóa 2 ásamt því að Eðalfiskur mun fara af stað með nýja starfsemi á lóðinni í sama húsnæði. Starfsemi Eðalfisks í Borgarnesi verður óbreytt, segir í tilkynningu frá fyrirtækinu.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2023/03/Edalfiskur-og-Nordanfiskur-fyrirhuga-starfsemi-i-Floahverfi_2-1200x711.jpg" alt="" class="wp-image-62590"/><figcaption>Lóðin hér rauðlituð sem Eðalfang hefur nú tryggt sér í Flóahverfinu.</figcaption></figure>

Fréttaveita Vesturlands

Eðalfiskur og Norðanfiskur fyrirhuga starfsemi í Flóahverfi