medium

large

thumbnail

1536x1536

2048x2048

small

custom-size

Brák kaupir fjölbýlishúsið við Dalbraut 6 á Akranesi af Leigufélagi aldraðra

Jólasveinar briddsfélagsins

Spáð er éljagangi um vestanvert landið með kvöldinu

Sóttu jólatré í Skjólbeltin

Gatnagerð hafin við Vallarás í Borgarnesi

Sturla GK keyptur og verður Hringur SH

core/paragraph

Kári tók á móti Ými í riðli 1 í B deild Lengjubikars karla í gærkvöldi og var leikurinn í Akraneshöllinni. Kári vann fyrstu tvo leikina í riðlinum á móti KV og ÍH stórt en tapaði síðan næstu tveimur leikjum gegn Reyni Sandgerði og Víkingi Ólafsvík. Ýmir var með fullt hús stiga fyrir leikinn eftir þrjá sigurleiki í röð en bæði Kári og Ýmir spila í 3. deildinni næsta sumar. Gestirnir komust yfir á 19. mínútu þegar Arnar Már Kárason leikmaður Kára varð fyrir því óláni að skora sjálfsmark þegar hann þrumaði boltanum í eigið mark eftir að hafa misst boltann frá sér skömmu áður. Afskaplega skrýtið mark og Ýmir náði tveggja marka forystu fjórum mínútum síðar þegar Eiður Gauti Sæbjörnsson fékk boltann á eigin vallarhelmingi. Hann rauk síðan með boltann upp allan völlinn og eftir að hafa sólað tvo leikmenn Kára upp úr skónum lagði hann boltann snyrtilega í netið framhjá markmanni Kára. Sjö mínútum fyrir hálfleik fékk Marinó Hilmar Ásgeirsson flotta sendingu inn fyrir vörn Ýmis frá Elís Dofra Gylfasyni og Marinó setti hann með vinstri undir markmanninn og í fjærhornið. Staðan 1-2 í hálfleik fyrir Ými og möguleiki fyrir heimamenn að ná einhverju út úr leiknum.

En sá möguleiki fjaraði fljótlega út í seinni hálfleik því á fimmtán mínútna kafla skoruðu Ýmismenn þrjú mörk og gerðu út um leikinn. Fyrst skoraði Arian Ari Morina með þrumuskoti úr aukaspyrnu vel fyrir utan teig og síðan bætti Eiður Gauti við tveimur mörkum fyrir Ými og fullkomnaði þrennuna, lokatölur 1-5 fyrir Ými.

Kári hefur lokið leik þetta árið í Lengjubikarnum og fékk sex stig úr fimm leikjum. Ýmir tryggði sér með þessum sigri efsta sætið í riðlinum þó þeir eigi enn einn leik eftir og eru komnir í undanúrslit sem hefjast síðustu vikuna í apríl. Þriðja deildin hefst síðan í byrjun maí og fyrsti leikur Kára er á móti Augnablik laugardaginn 6. maí í Akraneshöllinni.

Stórtap Kára gegn Ými í Lengjubikarnum