Hestamannafélagið Dreyri hélt götuleika númer tvö veturinn 2023 í gær. Keppt var tvígangi sem samanstendur af fegurðartölti og brokki. 18 keppendur voru skráðir til leiks og gekk keppni vel auk þess sem fjölmenni var á áhorfendapöllunum.

Götumót Dreyra er stillt upp sem stigakeppni og skrá keppendur sig í lið eftir staðsetningu; efri,- neðri- eða sveitagatan. Skal þess getið að efri gatan vann tvíganginn að stigum en í fyrstu keppninni, tölti, bar neðri gatan sigur úr býtum í stigakeppninni. Sigurliðið í heildarstigakeppninni verður síðan verðlaunað að lokinni mótaröðinni. Þriðju götuleikarnir verða haldnir 20. apríl þegar keppt verður í Mjólkurtölti og lokamótið verður síðan þann 18. maí þar sem keppt verður í þrígangi.

Ólafur Guðmundsson hlaut verðlaunin glæsilegasti knapi kvöldsins. Mætti hann í einkennislitum hins íslenska karlmanns; skærbleikum. Skartaði Ólafur meðal annars glæsilegri skærbleikri lopapeysu.

Úrslit kvöldsins voru eftirfarandi:

Barnaflokkur til 15 ára aldurs:

Nr. 1. Aldís Emilía Magnúsdóttir á Kórónu frá Birkihlíð

Nr. 2. Matthildur Svana Stefánsdóttir á Fönn frá Skipanesi.

Annar flokkur

Nr. 1. Guðleif Nóadóttir á Kletti frá Vatni

Nr. 2. Agnes Rún Marteinsdóttir á Arnari frá Barkarstöðum

Nr. 3. Stine Laatsch á Styrmi frá Akranesi

Nr. 4. Rakel Ásta Daðadóttir á Ísari frá Skeggjastöðum

Nr. 5. Sigurður Ólafsson á Stormi frá Steinnesi

Fyrsti flokkur

Nr. 1. Linda Hrönn Reynisdóttir á Tangó frá Reyrhaga

Nr. 2. Stina Achilles á Þjóðhátíð frá Steinsholti

Nr. 3. Ólafur Guðmundsson á Eldi frá Borgarnesi

Nr. 4. Magnús Karl Gylfason á Birtingu frá Birkihlíð

Nr. 5. Brynjar Atli Kristinsson á Draumi frá Akranesi.

-fréttatilkynning

*Linda Hrönn og Tangó sigurvegarar í 1. flokki. Ljósm. María Hlín.*

Keppt í tvígangi á götuleikum Dreyra