medium

large

thumbnail

1536x1536

small

custom-size

Gyða Björk kosin formaður ÍA á áttugasta ársþingi félagsins

Bæjarstjórn kynnir hugmyndir að nýju ráðhúsi við Mánabraut

2048x2048

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

core/paragraph

Undir hádegi í dag var kynningarfundur á Hilton Reykjavík Nordica um nýja skýrslu um eflingu kornræktar í landinu. Matvælaráðuneytið stóð fyrir fundinum. Ráðherra setti fundinn en Helgi Eyleifur Þorvaldsson, aðjúnkt og brautastjóri búfræðibrautar við LbhÍ kynnti skýrsluna og sat fyrir svörum ásamt þeim Agli Gautasyni lektor við deild ræktunar og fæðu hjá LbhÍ og Hrannari Smára Hilmarssyni tilraunastjóra í jarðrækt hjá LbhÍ en þeir þrír eru höfundar skýrslunnar.

Mikilvægi innlendrar kornræktar hefur aukist verulega í takti við aukið vægi fæðuöryggis síðustu misseri og í stjórnarsáttmála núverandi ríkisstjórnar kemur fram að unnin verði aðgerðaáætlun um eflingu kornræktar á kjörtímabilinu. Svandís Svavarsdóttir matvælaráðherra ákvað því síðastliðið sumar að semja við Landbúnaðarháskóla Íslands um að vinna drög að slíkri áætlun og var afrakstur þeirrar vinnu kynntur hér; aðgerðaáætlun í 30 liðum.

Markmiðið verkefnisins var einnig að kanna fýsileika kornsamlags og skilgreina þarfir á lágmarksbirgðum kornvöru í landinu. Við vinnslu áætlunarinnar voru tekin viðtöl við nokkra tugi sérfræðinga og bænda á Íslandi og í nágrannalöndunum og samráð haft við alla helstu kaupendur á korni auk þess sem haldnir voru opnir bændafundir.

Áætlaður kostnaður við kornrækt á Íslandi er í skýrslunni borinn saman við raunkostnað í nokkrum nágrannalöndum og bendir samanburður til þess að kostnaður við kornrækt á Íslandi sé sambærilegur við nágrannalönd. Helstu styrkleikar íslenskrar kornræktar í samanburði við erlendar eru mikið, frjósamt og ódýrt ræktarland, lágur raforku- og heitavatnskostnaður, og lágur kostnaður við varnarefni. Hagkvæmni þess að nota jarðvarma til að þurrka korn var einnig metin og benda niðurstöður til að nýting jarðvarma sé bæði raunhæfur og hagkvæmur kostur. Greining á kostnaði við uppbyggingu þurrkstöðva og geymslna sýndi mikla stærðarhagkvæmni. Í aðgerðaáætluninni, sem lögð er fram í 30 liðum, eru meðal annars gerðar tillögur um sérstakan stuðning við kornrækt, bæði við framleiðslu og fjárfestingar í nauðsynlegum innviðum. Framleiðslutengdur stuðningur hvetji bændur til að vanda til verka sem skili sér í hámarksuppskeru per hektara. Þá er ágangur fugla einnig tekinn fyrir og leggja skýrsluhöfundar til auknar rannsóknir á umfangi tjóns, en ágangur getur verið mjög svæðisbundinn þar sem einn bóndi getur lent í miklu tjóni en annar ekki. Í þeim rannsóknum felist að kortleggja hvaða tegundir það eru sem valda skaða, á hvaða svæðum, sveitum og býlum. Umhverfisstofnun kanni þá á grunni þeirra rannsókna hvort grundvöllur sé fyrir því að fækka í fuglastofninum eða fái með lagabreytingu heimild til að veita tímabundið skilyrta undanþágu til veiða.

Svandís Svavarsdóttir matvælaráðherra lokaði fundinum með þeim orðum að nú væru kaflaskil er varða kornrækt á Íslandi. „Þessi skýrsla er lykilgagn í því að við Íslendingar stígum nú ákveðið skref í átt að því að kornrækt verði hér huti af fæðuöryggi í landinu, landbúnaði og hluti af okkar framlagi til kolefnisbúskapar, hringrásarhagkerfis og loftslagsmála.“

Fréttaveita Vesturlands

Viðamikil skýrsla um kornrækt kynnt