medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/paragraph

Geirabakarí í Borgarnesi er eitt þekktasta bakarí landsins enda úrvals staður og kaffihús sem margir ferðalangar kjósa sem áningarstað auk fastra viðskiptavina úr nærumhverfinu. Næstkomandi föstudag verða tímamót þegar eigendaskipti verða á fyrirtækinu eftir 35 ára rekstur. Sigurgeir Erlendsson og Annabella Albertsdóttir kveðja og Sigurþór Kristjánsson og eiginkona hans Þórdís Arnardóttir taka við fyrirtækinu.

Formlega verður gengið frá kaupunum á morgun, fimmtudag, og bjóða þau Geiri og Bella gestum og gangandi í köku og kaffi síðdegis þann dag til að þakka íbúum og velunnurum fyrir öll árin. Undirritun kaupsamnings og formleg eigendaskipti fara fram síðdegis í Geirabakaríi og Sigurþór og Þórdís taka við keflinu daginn eftir. Sigurþór, eða Sissi eins og hann er jafnan kallaður, er vanur maður á staðnum en hann var áður í læri hjá Geira og hefur um árabil starfað í bakaríinu. Þórdís hefur lengi starfað að sölu- og markaðsmálum á höfuðborgarsvæðinu og mun nú koma til starfa fyrir bakaríið.

Þótt Geirabakarí sé frægt fyrir góða þjónustu og kaffihús má nefna að það er erlendum gestum einnig þekkt sem tökustaður. Var það búið út sem Papa John´s staður í kvikmynd Bens Stiller, The Secret Life of Walter Mitty árið 2013 og hanga ljósmyndir frá þeim tíma uppi á staðnum.

Geirabakarí í Borgarnesi – Eigendaskipti eftir 35 ára rekstur