medium

large

thumbnail

1536x1536

small

custom-size

Kálfafjós í byggingu á Litla Kroppi

Þema ljósmyndasamkeppni er gleði

2048x2048

Bæjarsjóður Akraneskaupstaðar gerður upp með 319 milljóna króna hagnaði

Gleðilegt sumar!

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

core/paragraph

Sveitarstjórn í Eyja- og Miklaholtshreppi ákvað á fundi sínum fimmtudaginn 9. mars að boða til íbúafundar til þess að kynna forsendur ákvörðunar sveitarfélagsins um að loka Laugargerðisskóla í vor, náist samningar við annað sveitarfélag um skólaþjónustu. Sigurbjörg Ottesen, oddviti í Eyja- og Miklaholtshreppi, segir í samtali við Skessuhorn að fundurinn verði auglýstur á næstu dögum en mikil ólga hefur verið í sveitarfélaginu eftir að <a href="https://skessuhorn.is/2023/02/22/erfid-en-igrundud-akvordun-ad-loka-laugargerdisskola">ákvörðun sveitarstjórnar var kunngjörð 20. febrúar síðastliðinn.</a> Erindi frá Eyja- og Miklaholtshreppi liggur á borði Sveitarfélagsins Stykkishólms um frekari viðræður varðandi skólamál.

Foreldrafélag Laugargerðisskóla <a href="https://skessuhorn.is/2023/02/24/akvordun-um-ad-loka-laugargerdisskola-kemur-foreldrum-a-ovart">sendi sveitarstjórn ályktun</a> dagsetta 23. febrúar 2023, þar sem félagið lýsti yfir óánægju með ákvörðun sveitarstjórnar og að hún kæmi foreldrum verulega á óvart. Þar bauð foreldrafélagið sveitarstjórn einnig aðstoð við að móta framkvæmdaáætlun til fimm ára vegna viðhalds á skólabyggingum og lagði til að þrír fulltrúar úr foreldrafélaginu myndu þar skipa nefnd sem ynni með sveitarstjórn að þeirri áætlun.

Ályktun foreldrafélagsins var tekin fyrir undir 7. lið á sveitarstjórnarfundi 9. mars. Þrír fulltrúar frá foreldrafélaginu komu inn á fundinn undir dagskrárliðnum og lýstu þar afstöðu sinni sem var einróma óánægja vegna ákvörðunar sveitarstjórnar, um að loka skólanum í vor náist samningar við annað sveitarfélag um skólaþjónustu. Segir Sigurbjörg Ottesen, oddviti, að sveitarstjórn hafi þakkað fulltrúum fyrir komuna á fundinn og jafnframt afþakkað boð foreldrafélagsins um ráðgjöf og aðstoð varðandi viðhald á skólahúsnæðinu.

Undir 2. lið fundarins var tekið fyrir erindi frá bæjarstjóra Snæfellsbæjar. Þar óskaði Snæfellsbær eftir samningaviðræðum við Eyja- og Miklaholtshrepp varðandi skólamál. Segir Sigurbjörg að ákveðið hafi verið að ekki væri tímabært að svo stöddu að hefja samtal við Snæfellsbæ um skólaþjónustu þar sem þegar liggi fyrir erindi á borði Sveitarfélagsins Stykkishólms um frekari viðræður. Segist Sigurbjörg vonast til þess að bæjarstjórn Sveitarfélagsins Stykkishólms taki erindið fyrir á næstar bæjarstjórnarfundi sem verður 30. mars.

Fréttaveita Vesturlands

Áfram um skólamál í Eyja- og Miklaholtshreppi