Íslandsmót iðn- og verkgreina verður haldið í vikunni í Laugardalshöllinni í Reykjavík og stendur yfir frá fimmtudegi til laugardags. „Mín framtíð“ er yfirskrift viðburðarins en einnig verður í gangi kynning á framhaldsskólum landsins. Fjölbrautaskóli Vesturlands á Akranesi verður með glæsilegan bás á svæðinu. Unnur Jónsdóttir, grafískur hönnuður, hannaði kynningarefni fyrir skólann og stendur hópur nemenda og starfsfólks vaktina þessa þrjá daga.