medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/paragraph

Gengið hefur verið frá kaupum á flutningafyrirtæki Júlíusar Jónssonar í Borgarnesi. Kaupandinn er Vörumiðlun, dótturfyrirtæki KS. Júlíus staðfestir þetta í samtali við Skessuhorn. Hann segir að búið sé að handsala kaupin en formlega gangi salan í gegn um næstu mánaðamót. Vörumiðlun mun áfram reka starfsstöð í Borgarnesi en hún er til húsa í Engjaási, og engar breytingar eru fyrirhugaðar hvað starfsmenn snertir, þeim bjóðist vinna áfram. Aðspurður segist Júlli hafa vonast eftir að heimamenn keyptu af sér reksturinn en af því hafi ekki orðið. Því fagnar hann þessum málalokum.

Sjálfur verður Júlli áfram viðloðandi reksturinn, en segist stefna á að taka sumarfrí næsta sumar, það fyrsta í mörg ár. Hann segist hafa byrjað að keyra fyrir Bifreiðastöð KB fyrir 52 árum en hafði þar áður verið að keyra rútur hjá Sæmundi. Hann hefur verið við akstur allar götur síðan. Um tíma var hann svæðisstjóri fyrir Samskip áður en hann stofnaði eigin fyrirtæki og keypti loks Flutningamiðstöð Borgarness ehf.

Það er því skammt stórra högga á milli í eignarhaldi flutningafyrirtækja í landshlutanum. Fyrir nokkrum dögum var Bifreiðastöð ÞÞÞ á Akranesi seld Snóki eignarhaldsfélagi, en Þórður Þ Þórðarson seljandi fyrirtækisins og Júlli Jóns í Borgarnesi eru einmitt jafnaldrar, báðir fæddir á því herrans ári 1949.

Skagfirskt í húð og hár

Um fyrirtækið Vörumiðlun segir á heimasíðu fyrirtækisins: „Vörumiðlun ehf. var stofnuð árið 1996 með samruna Flutningadeildar KS og Vöruflutninga Magnúsar Svavarssonar á Sauðárkróki. Kaupfélag Skagfirðinga hafði þá um langt skeið rekið flutningadeild sem sá um flutninga fyrir félagið frá Reykjavík og sinnti útibúum félagsins í Skagafirði. Vöruflutningar Magnúsar voru stofnaðir árið 1979, byrjuðu smátt og var aðal verkefnið akstur milli Sauðárkróks og Akureyrar. Árið 1986 stækkaði reksturinn nokkuð þegar keyptur var rekstur vöruflutninga Kristjáns og Jóhannesar, en þá bættust við fastar ferðir milli Sauðárkróks og Reykjavíkur. Við samrunann varð til öflugt flutningafyrirtæki með afkastamikinn flota flutningatækja af ýmsu tagi. Vörumiðlun ehf var upphaflega í 60% eigu KS og 40% í eigu Magnúsar en í dag alfarið í eigu KS. Magnús Einar Svavarsson er framkvæmdastjóri Vörumiðlunar og hefur hann verið það frá stofnun félagsins. Stjórnarformaður er Þórólfur Gíslason, kaupfélagsstjóri.“

Fréttaveita Vesturlands

Vörumiðlun kaupir flutningafyrirtæki Júlla Jóns