medium

large

thumbnail

1536x1536

2048x2048

small

custom-size

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

Lóa Arianna sigraði í Stóru upplestrarkeppninni

core/paragraph

Tólf sundmenn frá Sundfélagi Akraness tóku þátt á Ásvallamóti Sundfélags Hafnarfjarðar um helgina. Mótinu lauk á sunnudag en alls tóku 240 keppendur frá 15 félögum þátt. Sundfólk ÍA stóð sig mjög vel. Eitt gull, átta silfur og fjögur brons var niðurstaðan hjá sundfólkinu.

Akranesmet var sett í 4x50 metra fjórsundi, blandaðri sveit en hana skipuðu þau Enrique Snær Llorens Sigurðsson, Einar Margeir Ágústsson, Guðbjörg Bjartey Guðmundsdóttir og Ingibjörg Svava Magnúsardóttir. Þau syntu á tímanum 1.57.57 en gamla metið var 1.58.75 og það áttu þau Una Lára Lárusdóttir, Sævar Berg Sigurðsson, Ágúst Júlíusson og Brynhildur Traustadóttir.

Enrique Snær setti Akranesmet í 200 metra skriðsundi á tímanum 2.00.35 en gamla metið átti Sindri Andreas Bjarnason á 2.00.97 frá 2021. Einar Margeir bætti Akranesmetið sitt í 50 metra bringusundi og komst rétt undir 29 sekúndur. Hann synti á 28.99 en gamla metið setti hann í Glasgow í fyrra á tímanum 29.10. Hann bætti líka unglingametið í 50 metra skriðsundi á 24.35 en gamla metið átti Kristján Magnússon frá því á IM í fyrra á 24.71.

Kristján bætti svo unglingametið í 100 metra skriðsundi á 55.11, gamla metið átti Einar Margeir á 55.26 frá því á síðasta ári. Að lokum náði Sunna Dís Skarphéðinsdóttir sínu fyrsta lágmarki inn á Íslandsmeistaramótið.

Fréttaveita Vesturlands

Fimm Akranesmet hjá sundmönnum ÍA um helgina