Á fundi skóla- og frístundaráðs Akraneskaupstaðar síðasta miðvikudag var tekið fyrir innritun í leikskóla á Akranesi fyrir starfsárið 2023-2024. Þar kom fram að með vísan í reglur um innritun í leikskóla á Akranesi hafi skóla- og frístundaráð ákveðið að viðmiðunaraldur yngstu barna við innritun í leikskóla haust 2023 verði 14 mánuðir. Foreldrar barna fædd út júnímánuð 2022 og eldri geta sótt um fyrir börn sín og verður þeim úthlutað leikskólaplássi fyrir næsta skólaár.