medium

large

thumbnail

1536x1536

2048x2048

small

custom-size

Skýlaus krafa um að leyfi til hvalveiða verði tafarlaust gefið út

KSÍ og Jóhannes Karl framlengja

Komu heim hlaðin verðlaunum af ÍM50 í sundi

Auglýsa störf nýliða í slökkviliðinu

Nýjar verklagsreglur um flutning á lömbum

Karlakórinn Heiðbjört lýkur vetri í Reykholti

core/paragraph

Skallagrímur og Hamar mættust í 1. deild karla í körfuknattleik í gærkvöldi og var leikurinn í Fjósinu í Borgarnesi. Fyrir leik hafði Skallagrímur unnið sjö leiki í röð í deildinni á meðan Hamar var á góðum stað í öðru sæti deildarinnar. Jafnt var á með liðunum fyrri hluta fyrsta leikhluta og staðan 13:14 eftir rúman fimm mínútna leik. En þá náðu Hamarsmenn góðum kafla þar sem þeir skoruðu tólf stig gegn aðeins tveimur frá Skallagrími og staðan 15:26 fyrir liði Hamars. Heimamönnum gekk illa framan af öðrum leikhluta að minnka muninn en skoruðu síðustu sex stigin fyrir hálfleik og aðeins fimm stiga munur, 40:45, þegar liðin gengu til búningsklefa.

Baráttan hélt áfram í þriðja leikhluta og þó að gestirnir væru yfirleitt skrefinu á undan náðu Skallarnir að minnka forskotið í þrjú stig, 56:59, þegar klukkan sýndi rúmar sex mínútur. En aftur tóku gestirnir sprett og leiddu með sjö stigum fyrir síðasta fjórðunginn, staðan 61:68. Illa gekk hjá Skallagrími að komast nálægt Hamarsmönnum í fjórða leikhluta og staðan 68:80 þegar fimm mínútur voru liðnar. Það var sama hvað heimamenn reyndu, Hamar hélt þeim vel frá sér út leiktímann og fögnuðu að lokum öruggum sigri, lokatölur 79:91 fyrir Hamar.

Hjá Skallagrími var Keith Jordan Jr. með 24 stig, Björgvin Hafþór Ríkharðsson var með 14 stig og þeir Milorad Sedlarevic og Bergþór Ægir Ríkharðsson með 12 stig hvor. Björn Ásgeir Ásgeirsson var með 26 stig fyrir Hamarsmenn, Jose Aldana með 20 stig og Elías Bjarki Pálsson með 19 stig.

Þegar þrjár umferðir eru eftir af deildinni er Skallagrímur í fjórða sæti með 28 stig og hefur tryggt sér sæti í úrslitakeppninni. Þar mæta þeir Sindra frá Höfn í Hornafirði og sigurvegari þeirrar viðureignar mætir annað hvort liði Hamars og líklegast Fjölni eða Selfossi.

Næsti leikur Skallagríms er gegn toppliði Álftaness sem gæti með sigri í þeim leik tryggt sér sæti í Subway deildinni á næsta tímabili. Leikurinn verður mánudaginn 13. mars syðra og hefst klukkan 19.15.

Fréttaveita Vesturlands

Sigurganga Skallagríms á enda