Búið er að opna fyrir umsóknir um nýsköpunarstyrki úr Lóu en það er sjóður sem hefur það hlutverk að styðja við eflingu byggða og landshluta með nýskapandi verkefnum. Fram kemur á vef stjórnarráðsins að styrkjunum sé aðeins úthlutað til verkefna utan höfuðborgarsvæðisins í þeim tilgangi að styðja við atvinnulíf og verðmætasköpun sem byggir á hugviti, þekkingu og nýrri færni.