Síðastliðið mánudagskvöld lauk fjögurra kvölda aðalsveitakeppni Bridgefélags Borgarfjarðar. Úrslit voru mjög afgerandi í efsta sætinu, en Smiðirnir sigruðu með 122,8 stigum. Sveitina skipuðu þeir Sigurjón Karlsson, Kristján Hallgrímsson, Brynjólfur Guðmundsson, Eyjólfur Kristinn Örnólfsson, Lárus Pétursson og Sveinn Símonarson. Þeir Lárus og Eyjólfur Kristinn voru jafnframt hæstir í Bötler, áttu besta skor para í keppninni.