Bjarki Ísaksson segir Guðmundi Inga Guðbrandssyni félagsmálaráðherra frá því hvernig hann getur í dag lesið með stækkunartækinu sínu og til að mynda farið í leikhús. Ljósm. Stjórnarráðið.
Höfuðborin stækkunartæki gjörbreyta möguleikum sjónskertra
Ný tegund sjónhjálpartækja gjörbreytir möguleikum og aðstæðum sjónskertra hér á landi. Þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu hefur tekið í notkun höfuðborin stækkunartæki sem gerir mörgum lögblindum einstaklingum kleift að sjá hluti og viðburði sem þeir fóru á mis við áður.