Á fundi stjórnar hjúkrunar- og dvalarheimilisins Höfða á Akranesi sem var haldinn 30. janúar síðastliðinn kom fram í fundargerð að margir eru á biðlistum eftir dvöl á Höfða. Fram kom að í lok janúar hafi 21 einstaklingur verið á biðlista eftir hjúkrunarrými, 14 einstaklingar eftir dvalarrými og 37 einstaklingar sem óskað höfðu eftir hvíldarinnlögn, alls 72 einstaklingar. Samanlagður fjöldi er því svipaður og heildarfjöldi íbúa á heimilinu.