medium

large

thumbnail

1536x1536

2048x2048

small

custom-size

Írskir dagar tókust vel í frábæru veðri – myndasyrpa

Reiknað með 1.200 milljónum á Vestursvæði úr aukafjárveitingu

Leggur til að vindorkugarður í Garpsdal fari í nýtingarflokk

ÍA vermir áfram botnsætið eftir tap gegn Fram

Auknar tekjur hafnarsjóðs

Leyfi til litarefnarannsóknar í Hvalfirði í skoðun

core/paragraph

Samtökin ABC barnahjálp hófu í dag söfnunina Börn hjálpa börnum og að þessu sinni hófst hún í Brekkubæjarskóla á Akranesi. Söfnunin er nú haldin í 24. skiptið en hefur ekki farið fram síðustu ár vegna heimsfaraldurs. Hjalti Skaale Glúmsson, framkvæmdastjóri ABC á Íslandi, kom í 5. bekk í Brekkubæjarskóla eftir hádegi í dag og var með kynningu um starfsemi samtakanna. Fróðleiksfúsir og forvitnir nemendur hlustuðu vel og spurðu Hjalta margra og skemmtilegra spurninga sem hann svaraði af bestu getu. Nemendur Brekkubæjarskóla og fjöldi annarra grunnskóla á öllu landinu munu svo ganga í hús um nærliggjandi hverfi hjá sér á komandi dögum og safna framlögum í söfnunarbauka fyrir hönd ABC. Frá upphafi hafa nemendur grunnskóla landsins safnað yfir 130 milljónum króna til styrktar fátækum börnum í Afríku og Asíu. Í gegnum árin hafa skólabyggingar risið og heimili sem mörg börn hafa notið góðs af.

ABC barnahjálp er íslenskt hjálparstarf sem var stofnað árið 1988 og fagnar því 35 ára afmæli á þessu ári. Markmið samtakanna er að hjálpa fátækum börnum að ganga í skóla, fá menntun og að allir fái tækifæri til að læra og eignast tilgang. Fyrsta verkefni ABC var að búa til lestrarbækur og kenna ólæsum börnum í Mexíkó að lesa og nafn ABC kemur út frá þessari hugmynd að kenna stafrófið og lesa, abc. Í dag starfar ABC barnahjálp í sjö löndum í Afríku og Asíu. Í Afríku eru það löndin Búrkína Fasó, Úganda og Kenía og í Asíu eru það Bangladess, Filippseyjar, Indland og Pakistan.

Blaðamaður Skessuhorns var á staðnum og tók nokkrar myndir:

core/image

Fréttaveita Vesturlands

Söfnunin Börn hjálpa börnum hófst í Brekkubæjarskóla