medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/paragraph

Þriðja viðureignin í átta liða úrslitum Krakkakviss var sýnd á Stöð 2 síðasta laugardagskvöld. Þar áttust við Grundarfjörður og Stjarnan og óhætt að segja að um afar skemmtilega og spennandi viðureign hafi verið að ræða. Lið Grundarfjarðar var skipað þeim Kristu Rún Þrastardóttur, Hauki Orra Heiðarssyni og Hans Bjarna Sigurbjörnssyni. Þau eru öll nemendur í Grunnskóla Grundarfjarðar og eru fædd 2010 og 2011.

Keppnin er í fimm liðum og hófst með hraðaspurningum þar sem keppendur svöruðu spurningum á 60 sekúndum. Þar svöruðu Grundfirðingar tíu spurningum rétt og Stjarnan sjö. Næst voru almennar spurningar þar sem Stjarnan svaraði þremur spurningum rétt og Grundarfjörður tveimur sem þýddi að Grundarfjörður hafði eins stigs forystu, 14-13. Í Krakkaleikunum sem er látbragðsleikur fengu bæði lið þrjú stig og Grundarfjörður því enn með eins stigs forskot, 17-16.

Í næstsíðasta liðnum, sem nefnist fimmfaldur, voru bæði lið með allt á hreinu, staðan 22-21 fyrir Grundarfjörð og allt á suðupunkti. Þá var komið að liðnum Þrjú hint sem eru tvær vísbendingaspurningar og þar gat Grundarfjörður tryggt sér sigur með því að svara annarri spurningunni rétt. Stjarnan komst hins vegar yfir, 22-24, með því að giska rétt á enska orðið Play og síðasta spurningin var því úrslitaspurning um hvort liðið kæmist áfram. Þar voru Grundfirðingar sterkari þegar spurt var um dýr en eftir að bæði lið höfðu svarað rangt eftir fyrstu vísbendingu giskaði Grundarfjörður á hrút sem reyndist vera hárrétt svar, lokastaðan 25-24. Liðsmenn Grundarfjarðar eru því komnir í undanúrslit í Krakkakvissi ásamt liðum ÍBV og KR en síðasta viðureignin í undanúrslitum fer fram næsta laugardagskvöld þar sem lið Selfoss og Fram mætast.

Grundarfjörður í undanúrslit í Krakkakvissi