medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/paragraph

<p>Í þessari viku standa Nemendafélagið NFFA, jafnréttisfulltrúi og stoðteymi Fjölbrautaskóla Vesturlands á Akranesi (FVA) fyrir átaki um kynheilbrigði. Dagskráin er ríkuleg og fjölbreytt og má sem dæmi nefna fyrirlestra um ýmsa þætti kynheilbrigðis auk fræðslumyndbanda sem sýnd verða á tjaldi. Páll Óskar Hjálmtýsson mætir á morgun þriðjudaginn 7. febrúar, spjallar við nemendur og tekur nokkur lög, og fimmtudaginn 9. febrúar verður Blush Bingo haldið á sal skólans til styrktar Stígamótum. Bókasafn skólans verður alla vikuna með spennandi bækur um kynheilbrigði og hjúkrunarfræðingur svarar spurningum á Instagram stoðteymisins, þar sem einnig er boðið upp á að senda inn nafnlausar fyrirspurnir. Hinsegin Vesturland verður með innlegg í dagskrána.</p>

<p>Steinunn Inga Óttarsdóttir skólameistari segir þetta vera frábært framtak hjá nemendum og greinilega mál sem brennur á þeim. „Það er nauðsynlegt að tala opinskátt um kynheilbrigði, sem er stór hluti af sjálfsmynd og uppeldi unga fólksins. Fordómalaus fræðsla og upplýsandi umræða er alltaf mikilvægt mótvægi við misvísandi og villandi hugmyndir sem eru alls staðar á sveimi. Þetta er hluti af því að styrkja sjálfsmyndina og takast á við alls konar tilfinningar. Ég er stolt af krökkunum að fitja upp á þessu málefni og hlakka til að taka þátt í þessu með þeim,“ segir Steinunn að lokum. Frjáls mæting er á alla viðburði fræðsluátaksins sem hefjast í dag, mánudaginn 6. febrúar.</p>

Fræðsluátak um kynheilbrigði í FVA