medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/paragraph

Sundfólk úr röðum Sundfélags Akraness náði góðum árangri á alþjóðlega mótinu Reykjavík International Games (RIG) sem fram fór um liðna helgi. Alls tóku um 330 keppendur þátt frá 16 löndum, þar á meðal keppendur sem hafa tekið þátt á Ólympíuleikum, heimsmeistara- og Evrópumeistaramótum. Alls voru tólf keppendur sem tóku þátt á mótinu frá SA og var niðurstaða mótsins mjög góð, flestir með góðar bætingar og mörg úrslitasund.

Enrique Snær Llorens vann til silfurverðlauna í 200 metra fjórsundi og 200m flugsundi en í flugsundinu var hann aðeins 0,02 frá gullinu eftir mjög spennandi lokasprett. Hann setti Akranesmet í 200m baksundi á tímanum 2.15.87 en gamla metið átti Jón Þór Hallgrímsson á 2.17.77 frá árinu 2010. Einar Margeir Ágústsson náði lágmarki fyrir Evrópumeistaramót unglinga sem fer fram í Serbíu í sumar og hann varð í 4. sæti í 50m bringusundi á tímanum 29.26 en Anton Sveinn McKee var sigurvegari á 28.66.

Kristján Magnússon setti hvorki meira né minna en þrjú Akranesmet í baksundi: Í fullorðinsflokki setti hann met í 50m baksundi á 29.16 en gamla metið átti Jón Þór Hallgrímsson frá 2012 á 29.29. Í unglingaflokki setti Kristján tvö met, í 50m baksundi á tímanum 29.16 en gamla metið átti Jón Ingi Sigurðsson frá 2012 á tímanum 29.62. Svo setti hann met í 100m baksundi á 1.03.34 en gamla metið átti Birgir Viktor Hannesson frá árinu 2012 á 1.04.37. Í 50m baksundi varð Kristján í 5 sæti og í 7. sæti i 100m baksundi.

Guðbjörg Bjartey Guðmundsdóttir synti fjórum sinnum í úrslitum og hafnaði í 6. sæti í 100m skriðsundi og í 7. sæti bæði í 50m flugsundi og 50m skriðsundi. Guðbjarni Sigþórsson synti í B-úrslitum í 100m skriðsundi og varð í 15. sæti en það var fjórði besti tíminn hjá Íslendingum á mótinu í þessari grein. Íris Arna Ingvarsdóttir náði sínu fyrsta lágmarki fyrir Íslandsmeistaramótið í 200m baksundi. Víkingur Geirdal, Arna Karen Gísladóttir, Viktoria Emilia Orlita, Polina Shyian og Ingibjörg Svava Magnúsardóttir tóku líka þátt á mótinu og stóðu sig mjög vel, segir í frétt á FB síðu Sundfélags Akraness.

Fréttaveita Vesturlands

Sundfólk Sundfélags Akraness stóð sig vel á RIG