medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/paragraph

Á fundi bæjarráðs Akraneskaupstaðar 27. janúar síðastliðinn kom fram í umræðu um Árnahús á Sólmundarhöfða 2 að bæjarráð ítrekaði vilja sinn til endurgerðar Árnahúss í samvinnu við Minjastofnun Íslands og framkvæmdinni verði háttað þannig að það hindri ekki möguleikann á stækkun fyrir Höfða, hjúkrunar- og dvalarheimili.

Fram kemur í fundargerð að fyrir liggi drög að kostnaðaráætlun og ljóst sé að verkefnið verði kostnaðarsamt og taki einhver ár í uppbyggingu. Vilji bæjarráðs er að kannaðir verði möguleikar á samstarfi við ýmsa aðila eins og Fjölbrautaskóla Vesturlands þar sem nemendur á tréiðnabraut undir handleiðslu kennara gætu komið að verkefninu. Þá kemur einnig fram að leitað verði til samstarfs við áhugasama einstaklinga um endurbyggingu eldri húsa. Verkefnið gæti því orðið nokkurs konar samfélagsverkefni, keimlíkt verkefninu „Karlar í skúrnum“ sem hafi tekist með ágætum.

Bæjarráð fól bæjarstjóra frekari úrvinnslu málsins og heimilaði nýtingu þess fjármagns til verkefnisins sem greitt var Akraneskaupstað vegna tjóns sem varð á húsinu í maí 2021 og greitt út árið eftir. Um var að ræða greiðslu að fjárhæð alls þrjár milljónir og 750 þúsund krónur.

Bæjarráð ítrekar sinn vilja að endurgera Árnahús