medium

large

thumbnail

1536x1536

2048x2048

small

custom-size

Skagakonur unnu ótrúlegan sigur í Mjólkurbikarnum

ÞB Borg reisir glæsihýsi í Stykkishólmi

Skrifað undir við skátana í Dalabyggð

Fyrirhugaðir búferlaflutningar kannaðir á Vesturlandi

Skallagrímur úr leik eftir tap gegn Þór

Stefán Bjarki Akranesmeistari í pílu 2024

core/paragraph

Guðlaugur Þór Þórðarson, umhverfis-, orku- og loftslagsráðherra hefur kynnt í ríkisstjórn í gær þau áform að sameina tíu af stofnunum ráðuneytisins í þrjár öflugar stofnanir. Nýjar stofnanir verða Náttúruverndar- og minjastofnun, Náttúruvísindastofnun og Loftslagsstofnun. „Megináhersla er þar lögð á að tryggja áfram fyrirliggjandi mannauð og þekkingu og að starfsfólk njóti forgangs til nýrra starfa,“ segir í tilkynningu frá ráðuneytinu.

Kröftugri og faglega stofnanir

Í Náttúruverndar- og minjastofnun munu sameinast Vatnajökulsþjóðgarður, Þjóðgarðurinn á Þingvöllum, náttúruverndarsvið Umhverfisstofnunar og Minjastofnun.

Í Náttúruvísindastofnun verða sameinaðar Náttúrufræðistofnun Íslands, Veðurstofa Íslands, Landmælingar Íslands, ÍSOR (Íslenskar orkurannsóknir) og Náttúrurannsóknastöðin við Mývatn.

Loks verður í nýja Loftslagsstofnun sameinuð Orkustofnun og öll svið Umhverfisstofnunar utan náttúruverndarsviðs.

Fjölga störfum á landsbyggðinni

Gert er ráð fyrir skýrum kjarna í starfsemi hverrar stofnunar og lögð áhersla á sveigjanleika í tilfærslum verkefna til milli stofnana til að auka árangur, skilvirkni og hagræðingu. Endanleg afstaða hefur ekki verið tekin til staðsetninga höfuðstöðva nýrra stofnana, en með tilliti til byggðasjónarmiða verður lögð mikil áhersla á fjölgun starfa á landsbyggðinni. Innlegg í þessa vinnu er einnig yfirstandandi skoðun á ÍSOR þar sem leiðarljósið er að tryggja að stofnunin geti áfram veitt orkuiðnaðinum og opinberum aðilum þjónustu og ráðgjöf á sínu sviði.&nbsp;

Guðlaugur Þór hefur nú þegar haldið fund með starfsmönnum stofnana ráðuneytisins þar sem ákvörðunin var kynnt. Vinna hófst sl. sumar við að greina tækifæri til endurskipulagningar á stofnanakerfi ráðuneytisins. Við greiningarvinnuna var lögð áhersla á gott samstarf við stjórnendur og leitað var eftir sjónarmiðum og hugmyndum starfsmanna. Samkvæmt könnun sem Maskína vann taldi stærstur hluti starfsmanna tækifæri felast í sameiningum stofnana ráðuneytisins og mikil tækifæri í samþættingu verkefna eða samvinnu stofnana.

Sameiningunni er m.a. ætlað að ná þeim markmiðum að til verði stærri, kröftugri og faglega öflugri stofnanir sem geti tekist á við áskoranir til framtíðar og unnið að markmiðum Íslands í umhverfismálum. Efla á þekkingar- og fræðasamfélag og nýsköpun í opinberum rekstri. Fjölga á störfum á landsbyggðinni og störfum óháð staðsetningu.

Í undirbúningi er að setja strax af stað vinnu með fulltrúum stofnana varðandi mannauðsmál, húsnæðismál og upplýsingatækni og gert er ráð fyrir að vinna við lagafrumvörp um nýju stofnanirnar þrjár verði í forgangi. Stofnanir ráðuneytisins í dag eru 13 með um 600 starfsmenn á um 40 starfsstöðvum víða um land og eru 61% starfanna á höfuðborgarsvæðinu. Þær stofnanir sem heyra undir ráðuneytið eru: Íslenskar orkurannsóknir (ÍSOR), Landmælingar Íslands, Minjastofnun, Náttúrufræðistofnun Íslands, Náttúrurannsóknarstöðin við Mývatn, Orkustofnun, Stofnun Vilhjálms Stefánssonar, Umhverfisstofnun, úrskurðarnefnd umhverfis- og auðlindamála, Úrvinnslusjóður, Vatnajökulsþjóðgarður, Veðurstofa Íslands og Þjóðgarðurinn á Þingvöllum.

Fréttaveita Vesturlands

Stefna að sameiningu níu ríkisstofnana í þrjár